屋漏兼逢連夜雨(2)

sigh... 個管理員話驚住漏電﹐大佬即刻封鎖咗個浴室﹐後來仲揾咗個裝修佬黎﹐折咗部份嘅假天花﹐個達水跡立刻現形。 但係就連燈都 cut 埋﹐唔准係個度洗白白﹐只可以 pee pee 同洗手﹐搞到我依家每晚都要去大佬地個邊沖涼﹐真係極度麻煩﹐如果去街去得太夜﹐又驚嘈醒佢地﹐咁惟有第朝先沖啦! 真係好唔方便...夜晚去廁所又冇燈﹐黑麻麻咁... sigh... 煩死人!!!

 

今日個管理員黎睇過﹐話會出信俾樓上﹐佢話上次佢試過味﹐d 水係淡嘅﹐應該係食水喉漏水﹐應該唔係污水渠漏水... (so scary... d 水咁dirty 都放入口  )... 但係仲要等食環署嘅人黎做檢查﹐好似話 friday 會黎﹐但個 report 要等成 2-3 weeks 喎! 即係話如果樓上合作﹐都可以快少少﹐ otherwise, 1-2 個月都閑閑地... 分分鐘仲要法庭見...睇怕都有排搞... 聽講樓上個兩公婆都企得幾硬﹐好似冇乜意思去 fix 個 problem... cos' they are supposed to find a 水喉佬 to do some checking...

 

睇怕我都有排冇得返去自己個 bathroom 啦!!!   大佬幾鬼冇良﹐仲串我話今年屬虎嘅人運濟喎! 又關我事? 

 

sigh... 佢仲話要物色地方搬添呀! Shit!!! 

 

屋漏兼逢連夜雨

Sigh...前個排冷氣機漏水整咗我 $700﹐今次仲大鑊﹐浴室天花漏水。

 

我習慣將所有乾淨嘅毛巾放係浴室個毛巾架頂架麻﹐有日發覺有幾條毛巾好濕﹐以為大佬冇整乾 d 毛巾就攞入黎﹐都有 d 奇怪。

尋日成幢毛巾都濕晒﹐推下個假天花﹐有水漏出黎﹐大佬又話梗係因為近排打風啦! 佢不嬲都唔順超我放 d 毛巾係度﹐封塵喎!

今朝又俾佢嘈醒﹐佢係到同個管理員大大聲咁 complaint 緊﹐話十幾年都冇大廈維修﹐搞到外牆滲水﹐係到閙緊個主席 luk 水。

其實我諗邊有十幾年咁誇張呀! 係咁係到嘈!

 

後來我咪話埋佢知個走廊天花都有水跡﹐跟住佢又 call 返個管理員上來再嘈過﹐this time 個管理員比較 experience d, 佢話應該係樓上滲水落黎﹐咁之後就梗係唔會放過樓上個住客啦!  sigh... 睇黎今次都有排煩。

 

樓上個條友都白痴﹐聽個裝修佬講﹐倒 d 藍色既水落去﹐睇下係咪真係佢地流喎! 積左咁多水﹐落到黎都冇晒色啦! 如果真係流 d 藍色既水落黎﹐我真係第一時間上去殺死佢。又叫我地折咗個假天花﹐睇下係咪漏水﹐都 chi ma gun... 真係未俾大佬閙過... 係到找死...

新城國語力頒獎禮

尋晚同大佬去睇新城國語力頒獎禮﹐因為有人俾飛大佬﹐二佬又唔鍾意睇﹐咁咪我去囉...

 

其實都幾悶﹐一來係新城嘅問題﹐完全係分豬肉派對﹐n 咁多個獎﹐淨係歌曲都唔知成二十首﹐乜乜最受歡迎男女歌手都有 n 種﹐咩全亞洲﹐全國﹐全乜全物﹔二來大家都知我 d 國語有幾好架啦! 睇 live 又冇字幕﹐都唔知佢唱緊乜﹐又唔係個個獎都有字幕打出黎﹐有時都唔知佢扮緊 d 咩獎... 有d 歌手﹐見都未見過﹐都唔知佢係乜水...

 

最搞笑係其中有條友叫羅志祥﹐聽都未聽過﹐但人地攞全國最受歡迎男歌手﹐仲有一大班 "艾" 到死嘅 fans, 心諗: sigh.. 慘啦!  out 成咁﹐點算!!!

好似人地 d 阿婆咁﹐唔識 d 歌手啦!!! 死未...感覺很差啊!!!!   另一個全國最受歡迎女歌手都唔知叫乜名﹐cos' 國語聽唔明﹐望下 d fans 牌﹐有個 "筆",有個 "暢", 返屋企 search 下﹐先知佢原來叫周筆暢...

 

 

Les Miserables

尋日﹐去HMV買咗兩隻 DVD, 一隻係 Les Miserables, 另一隻係 Mr. Producer. 

 

近排因為有需要接觸下Les Miserables, 所以借咗個 friend 隻 DVD 來睇﹐原來d 歌真係好好聽。其實有好多 musical 都淨係聽過 d 名﹐多數都冇睇過﹐或者真係聽過成隻碟。hehe... 諗落都真係幾 out 下...

 

Les Miserables 呢隻碟﹐近期都算係我嘅至愛﹐真係好好睇﹐不過最可惜係佢唔係成套 play 咁睇﹐只係一班精挑細選嘅 dreamcast 著住 costumes 咁企係度唱﹐同埋 orchestra and choir, 但係 d 歌就好好聽﹐如果第日佢係 HK 做﹐一定去睇...

 

原本都想去睇 Phantom, 但係d 飛好似好貴﹐同埋都係 Toronto 嗰陣都睇咗兩次﹐前排電視又做咗一次﹐好似有 d 悶...(hehe... 其實係我變咗心﹐我依家鍾意 Les Miserables 多過 Phantom)...

妻子, 情人, 紅顏知己

hehe... 係人地個 blog 到偷嘅﹐不過又 describe 得幾好...

 唔知我將來可唔可以都有個丈夫﹐情夫﹐同藍顏知己呢!  係就發達啦!  kakaka...

但係丈夫﹐情夫最好都俾鈔票我花喎... hohoho...

---

妻子, 情人, 紅顏知己

 

什麼是妻子？就是你願意把積蓄交給她保管的女人。
什麼是情人？就是你偷偷摸摸地去和她約會又怕妻子撞見的女人。
什麼是紅顏知己？就是你能把有些秘密說給她聽卻不能說給妻子聽的女人

妻子是一種約束，約束你不能隨便和別的女人交往；
情人是一種補償，補償你想從妻子那得到卻又無法得到的激情；
紅顏知己就是一種點撥，點撥你心中的迷津

妻子陪你過日子，情人陪你花鈔票，紅顏知己陪你聊聊天。

妻子不能替代情人，因為她沒有情人有情調；
情人不能代替妻子，因為她沒有妻子的親情；
妻子和情人都代替不了紅顏知己，那是心靈的需要。

妻子是一個和你沒有一點血緣關系的女人，卻為你深夜不回家而牽腸掛肚；
情人是一個和你沒有一點家庭關系的女人，卻讓你嘗盡做男人滋味盡情消魂；
紅顏知己是一個還沒和你扯上關系的女人，卻能分擔你的快樂和憂愁。

妻子是一個家，是一個能給你浮躁的心帶來安撫的港灣；
情人是家的累贅，只是不到萬不得已你不想甩掉；
紅顏知己是家的點綴，沒有她你不會覺得寂寞，但你會覺得生活沒意思。

妻子的關心像一杯白開水，有時會成為一種嘮叨，只是在生病時才成為一種溫馨；
情人的關心就像在白開水裡加了一勺糖，慢慢地品上一個晚上還不滿足；
紅顏知己的關心就像工作到午夜喝一杯咖啡，越喝越提神。

妻子懷上你的孩子會深情地問你想要個男孩還是要個女孩，
情人懷上你的孩子會哭著來問你該怎麼辦怎麼辦啊？
對於紅顏知己，你會把你的情人懷孕的消息告訴她，並問她你該怎麼辦。
至於妻子，你會在她發現你的情人肚子大了的秘密後才告訴她："其實，我早就想告訴你了。" 然後拼命地向她解釋，並作可憐狀。 　

妻子回了娘家一個星期不回來你也不想，
情人三天不見你就給她打電話：上哪去了？今晚我們到老地方喝杯咖啡好嗎？
心中有了苦悶，你最想找個紅顏知己傾訴，告訴她你在妻子和情人之間疲于奔命，實在受不了了.

最讓男人受不了的是
妻子的嘮叨，
情人的眼淚，
紅顏知己的誤解。

妻子的嘮叨使男人的心亂上加亂，
情人的眼淚讓男人已硬的心變得酥軟，
紅顏知己的誤解把男人的心由懸崖推進深谷。

最好的妻子，就是男人能從她身上找到情人和紅顏知己兩種相互交織的感覺，
只是這種感覺男人很難找到。
最好的情人是在你和她的關系被妻子發現而主動退出又不提任何要求，只是情人很難做到這點。
最好的紅顏知己是有一天她能成為情人，甚至妻子，只是這種想法很難實現。

如果有可能，男人都在想把紅顏知己變成情人，
如果再有可能，再把她變成妻子。
只是變成妻子的紅顏知己就不再是知己了.

New Layout of Spaces

好期待嘅新 msn space 終於出現咗﹐的而且確﹐加咗好多新 features... 但係就好唔慣囉! 有 d 新 feature 好似 friend list 咁﹐都唔知點用﹐又唔知有咩用... 試 Add 咗 21 個 friend﹐但又得 8 個 show 出黎嘅...

 

aiya... 頭都痕埋! 唔通年紀大咗﹐學野慢咗﹐接受新事物嘅能力又慢咗?? 

唔得﹐我要繼續努力去 investigate 下呢個新 Live Space!!!

Holiday is All Over!!!

大佬同二佬*終於都返咗黎啦! My Super Holiday is finally "All Over and Over" !!!

 

註﹕大佬 = 阿媽﹐ 二佬 = 阿爸﹐ 個 friend 改嘅﹐有次睇相﹐佢話我阿媽個樣﹐好有殺氣﹐好似大佬咁。所以大佬係阿媽﹐二佬係老豆... 大家睇下張相就知架啦! 咁我個樣係咪比較善良呢!!!  hehehe...

 

Before 佢地返黎﹐我都有好努力咁執過同清潔過間屋﹐but as my friend said, 無論點﹐佢地都會係覺得污穢﹐由頭再 clean 一次... 咁又係喎... 所以﹐我都係係咁二堆埋d 野一堆堆就算! 呢樣野﹐係我做 appraisal 時﹐老細教嘅﹐(唔駛多講﹐大家都估到我 office 張檯有幾亂啦!)﹐佢話﹐"你要 look like organize d, d 野呢﹐堆埋一堆﹐好似我咁﹐那﹐呢堆咩黎呢? 我都唔知架! 不過望落去﹐咪 organize d 囉!"   Well....

 

不過﹐阿媽一返黎﹐佢就 complaint 亂喎﹐又話廚房地下個盒有蟲... 我話執過架啦!... 睇黎﹐都係我個 friend 比較了解我阿媽多 d d...