從 fb 再出發...

原來唔覺唔覺，個 blog 都有成170+篇野，寫個d 乜? honestly, 連我自己都唔係好記得... kakaka... but 好多時都好想繼續寫，尤其是做 research 個陣，睇完人地d遊記又或者化裝品用後報告，想記低返有 d 地方點去，同埋提供返一d information 俾其他人。不過有人睇先算啦!

個 blog 由2005年從 msn space 開始，個陣係 private 既，private 有 private 好，可以暢所欲言。亦因為佢，同有 d 朋友仔都 close 咗。之後facebook 崛起 (2007 年 join)，好多 update 都係 facebook 搞掂，之後msn space closed 咗，搬咗黎 blogger，更加冇人黎，包括我自己。再加上whatsapp wechat skype 既出現，msn 都執埋.... 好一個年代既終結... 

其實都 struggle 咗好耐，究竟將個 blog keep private 好? 定係 public 好? 不過算啦，even public 都冇人睇，由佢啦! 今次係 facebook 開多個 page，方便 update 完通知下人，同埋迫下自己繼續寫...

基本上係 2007 年先熟既 friends, 都應該唔知我有寫開 blog架啦，我一直都有放條 link 係 profile 架，不過冇咩人留意到之麻... 

小米盒子越獄記

我收到了一份禮物 - 小米盒子....

外型都幾靚架...

正正它是一份禮物，係普通版，於是要著手研究怎樣越獄... 

好！經過一輪既 research 同實驗，做返一份 Summary 先:

普通版 vs. 越獄版

我冇去深水埗研究過兩者有什麼分別，根據網上既資料，其實越獄版只是替普通版做多少少功夫，裝多d apps，很簡單，絕對可以慳返百幾二百蚊。

越獄教學 (PC 版)：

1) 用 Micro USB 線將小米盒子同PC連上

2) Download and Install "QQPhoneManager"應用寶，佢係一個 software 俾小米盒子同PC 溝通的... 

3) 安裝完成後，應用寶會自動找到小米盒子,  會見到 "Mibox1s"

4) Download 懶人包

Password: www.igeek.com.cn

5) Unzip 後，把這些 files 加入"我的應用"，待它慢慢安裝。裝好後，越獄成功!

Reference:

http://www.igeek.com.cn/article-1841-1.html

https://www.youtube.com/watch?v=5IBdA8aev20

越獄教學 (Mac 版)：

我未買線，未有機會試...

1) Download 懶人包 之後，將所有 files save 落手指

Password: www.igeek.com.cn

2) 買一條 OTG 線可直接連結小米

未中星星毒，先中Duffy & Shellie May 毒

認識 Duffy 其實都有一段時間，一路以黎我都唔覺得會愛上呢隻 bear, 係 HK Disneyland 都有心動過想買，但係都覺得唔係真係好有感覺... 有一次係個 fd bday 有 further discount, 終於買咗一隻 mini 版。 但係都係pat 咗埋一邊...

直至有一次，另一個 fd N 帶咗佢隻 Shellie May 一齊去 Disney.... Eee? 又幾 cute 噃，加上一件自製既冷衫，份外可愛... 咁2月去 Tokyo, 買返隻先... 加上其他因素，原本想去 land 既我，最後都係決定去 Sea，因為 Shellie May 係日本既 limited edition, 只有 Sea 入面先有得賣。

入到 Disneysea, 每人起碼抱住一隻，日本人對 Duffy & Shellie May 既喜愛程度，真的幾瘋狂... 幾間 Shop 都擠得水洩不通，好多貨品都斷晒市... 咁遠黎到，我當然唔執輸買買買啦! 不過我最後都放棄咗隻 Small Size, 因為係個個 moment, 我中毒都唔係好深啫，覺得同 Shellie May 未有個種感覺... 依家開始有少少後悔, 早知有理無理，買咗先啦! 以下就係我既戰利品!

原本我好想買 Shellie May 既 Zip Bag, 竟然 Sold out... 我是但買咗隻 puppet (手套木偶) 同埋 Duffy 既 Zip Bag 囉，因為實在太多人，又趕住走，都係是但掃掃掃, 不過竟然有 Surprise, 返到黎，見到佢兩個,  好cute, 好 Sweet 呀!  因為呢個 Zip Bag, 我有d 鍾意咗 Duffy! 之前我都係因為 Shellie May 個 Zip Bag 而愛上佢，呢個 Zip Bag 真係必買 item! 其實個 puppet 都好 cute, 個 Size 唔太大, 又唔太細, 岩岩好, 加上佢入面有 stuffing, 比起 S Size 更 soft 更 cute... 我覺得都係必買 item...

唔知大家有冇同感，買 bear 通常要講感覺，睇下有冇個種我想帶佢返屋企呀! 想帶係身邊既感覺... 但係今次好趕，是是但但執咗4隻 Mini Shellie May, 其中兩隻已經送了給朋友 A & F... 係4隻揀兩隻既過程中，都"溝通"咗好耐先揀到呢兩隻... 

兩隻我都好鍾意，不過最鍾意都係佢... 佢個樣越睇越 "hill", 有 d 霸氣，拖住 Duffy 個陣，又有 種幸福既感覺...

另外一隻個樣其實好"是正", 就比較溫順, 有 d 賢良淑德,  下次去 Disney, 買多隻 duffy 陪下佢先...

Xmas 2012

今年的聖誕節，過得很平靜。冇人約我，只是與朋友飲咗個茶，晚上就呆在家裡。不知道為什麼，我今年不想要一個熱鬧的聖誕節。

今日係boxing day, 去了朋友家吃飯。竟然意外地收到一份禮物。很開心，謝謝 M!

我是一個很懶既人，沒有花太多心思在禮物上，很久以前的Xmas, 我也會買大量既Xmas card, 但隨著科技既進步，我開始send ecard or email. 近幾年，懶到有時在Facebook 寫上Merry Xmas. 有時甚至連這個動作也懶得做。因為只有付出，沒有回報，久而久之，我也不想再付出了。

今年收到禮物時，有絲絲的感動。我係到諗，係咪做多少少，可以令身邊既人帶來多一點既快樂呢？但是我也想要點回報作鼓勵啊！

另外，我也收到另一份聖誕禮物。是一件泳衣。雖然大了一點，L size!! 好好笑！我想，咁睇得起我呀！穿上後，好彩不是太誇張，應該問題不大吧！我會扎緊d 的！很喜歡！謝謝K！

勇氣-梁靜茹

友人某天send 咗呢首歌既歌詞給我看，一向都不熟悉梁靜茹既歌，好奇之下上YouTube search 黎聽聽，一聽之下，不得了，不知是否觸動了那一根神經，眼淚流個不停...

很簡單的歌詞，卻很令人感動...

歌 詞

勇氣 作詞：瑞業　作曲：光良 終於作了這個決定　別人怎麼說我不理 只要你也一樣的肯定 我願意天涯海角都隨你去　我知道一切不容易 我的心一直溫習說服自己　最怕你忽然說要放棄 愛真的需要勇氣　來面對流言蜚語 只要你一個眼神肯定　我的愛就有意義 我們都需要勇氣　去相信會在一起 人潮擁擠我能感覺你　放在我手心裡　你的真心 如果我的堅強任性　會不小心傷害了你 你能不能溫柔提醒 我雖然心太急　更害怕錯過你

個人比較喜歡這個板本，歌者哭了，唱得份外傷感。很多人都被感動得哭了。
有些人說梁靜茹那時剛剛分手，可能是愛上了不該愛的人。
愛情從來都不是一件容易的事，當中的甜酸苦辣，只有當事人才能深深體會。
能做到什麼也不理，真的需要很大的勇氣...
知而行難，這份勇氣，少了任何一方也不行。
可惜的是，通常都是只有一方在堅持...

可能就是有著這些經歷，才會把歌演繹得那得細膩...

Last Day at T 記...

今日係我係 T記既 last day，終於都捱夠一年... 如果你問我份工如何，我只可以答你， ok 啦!
其實咪雞肋囉!  有 prospect 嗎? 以我呢 d 80後思想既人，I really don't see it...

不過當同事問我去邊，我都係答個句，遲d先話你知...尢其是對住d 八婆，真係睬你都有味。講真，有d 同事，今日goodbye 之後都唔知會唔會再見，係呢一年裡面，總有一兩個 friend 既，之後 keep 唔 keep 到，真係要睇緣份啦!

呢間公司，你話 d 人 close 咩? I don't think so, esp in my dept...
不過，係我走既時候，竟然收到少許禮物，仲有請我食 dinner 添,  really so touching!!! 

今日去買散水餅, 原本打算全部買 Cova or Agnes'b... 嘩! 原來都幾 la 利... $3x 一件，請晒成六，七舊水。於是， 我做咗一個好cheap 既決定, 就係對我好好個邊既同事，我買咗12件 Cova，叫reception姐姐幫我分俾佢地...

我自己既 dept 呢，買咗8 件東海堂, 埋單岩岩好一舊水... send 咗個 email 出去，食就食，唔食罷q就... 係大細超呀! 吹咩!

不過, 我阿姐都送咗件 sample 俾我。有時我都唔知d 人係真情定假意，尢其是你老細, 我都 appreciate 既...

戒指

通常係 fair 既最後一日，都有 d samples 平賣，我見到有一檔賣 jewellery, 有一隻戒指，係最 classic 既6抓鑽石款，exactly 係 Tiffany 個款 engagement ring 呀!!! 亦係我一向覺得鑽石戒指最靚既款式... (我一向覺得，鑽石無論頸鏈，耳環，定係戒指，只有配6抓，先至係最完美...)

當然個隻係假野啦... Swarovski 喎... $180, 好想買... 

好多年前，我同自己講，如果我 xx years old 都未嫁得出呢， 就買一隻真既俾自己... 

後來，當然唔捨得啦... 

今次見到隻假既， 咁平， 真係好想買， 但係諗下諗下... 

呢隻係 engagement ring 既款，戴咗，一陣人地以為我訂咗婚，原來未有著落，好老土架麻... 

戒指, 真係要有人送，戴在手上，才有意義...