March 25th, 2006
今個 wedding ceremony﹐係我去過既 Wedding 之中最特別既一個﹐唔係個 Wedding 有乜特別﹐只係本人感覺而已。
同新娘新郎識左都有14年﹐通常去既 Wedding﹐只係熟其中一方﹐但今次我兩個都識﹐兩個都熟﹐睇住佢兩個拍拖到結婚﹐連佢地既親戚都叫得出o甘濟。又有好多 common friend﹐照計應該好好玩﹐但係有兩個我呢世都唔好想見既人﹐一個就係我個 ex﹐另一個就係搶左我個 ex﹐依家係佢老婆既人﹐即是新娘個阿哥阿嫂。所以﹐呢個 Wedding 係我最想去﹐亦最 hesitate 要去既 Wedding。當然﹐我一定會出席啦。
其實過左甘多年﹐感覺都冇乜既﹐但要我好大方呢﹐又唔得喎。我最多可以做既﹐就係當佢地透明。
搶左人男朋友﹐仲可以甘高調既﹐我諗除左佢同梁詠琪﹐睇怕都冇第三個。我知新娘都好擔心我會黑面﹐佢由之前一晚就已經 remind 我要 say hi﹐阿伴娘表妹又 remind 我幾次要 smile。 我當日既表現都應該唔錯﹐我 ex 同我講野﹐我都好有禮貌甘應佢﹐不過見到佢兩個﹐我真係唔會行近。
最搞笑係﹐我其中有個 friend 都有去﹐佢見到個 bitch 之後﹐佢好鬼直接甘同我講﹐"嘩﹐俾隻o甘o既野撬你條仔呀! 真係恥辱囉!" 我咪答佢囉 : "一早同你講左啦﹐真係我成世人最大既恥辱﹐你又唔信!"
呀! 兩個伴郎都唔錯架﹐可惜呀! 一個唔識講廣東話﹐一個又就黎結婚。早知掙住做伴娘啦﹐起碼可以蹺住手行下呀。就黎結婚o個個伴郎呀﹐個個都話正呀! Sigh....其他兄弟﹐一係就係鬼﹐得o個 d 又就黎結婚﹐唔得o個 d﹐又真係唔得呀嘛﹐不過如果唔睇樣既﹐都幾疊水架。
Four Seasons d 野都幾好味﹐唔錯唔錯! 
呀! 仲有﹐個 Wedding Cake 係 Flora 個 friend Leona & her sister 織出黎架﹐好靚﹐經介紹之後﹐立刻成為當晚 banquet 既旅遊景點。
