近排都唔知搞乜鬼, 早前唔見咗條 LINKS 嘅鍊, 雖然條鍊唔駛錢, 係用 Asiamiles 換, 但係都幾心痛, 話晒都值成千幾蚊, 仲要係LINKS 添... LINKS 應該都算係其中一隻牌子, 升值潛力分分鐘高過股票架嘛... 記得04年, 一條LINKS 嘅鍊都係$350, 依家已經要成$550 (at least, 好耐冇 check), 加咗差唔多成60%...
早兩日, 唔小心打爛咗副眼鏡, 帶咗眼鏡廿幾年, 都未試過打爛嘅... 
今晚個laptop 條電線冇啦啦甩咗一part 出黎, 初時唔知係咩電線啦, 咪賴好手尾咁塞咗入個櫃到, 後來發現原來係部 laptop 嘅, 一拉, 又唔小心打爛咗個 precious moment 嘅 birthday box, "puk" 咗囉... sigh... 搞乜呀!!! 
再加上下巴嘅紅印自係日本開始有d 惡化, 返HK 之後咪的起心肝去睇醫生啦, 初時以為濕疹, 搽咗醫生d cream 之後都冇咩好轉, 睇咗成5個醫生都仲未搞掂, 依家仲越黎越衰, 生晒粒粒... 個個醫生講嘅野都唔同, 有d又話疹, 有個又話真菌, 有個又話皮炎, 有個又話依家變咗暗瘡, 一個又話係玫瑰康疹... Anyway, 最後嗰個醫生話搽咗個d 藥膏會getting worst, 肉酸到死... 依家要食四環素...
唔通蘇民峰真係咁靈, 佢話虎人今年會有皮膚病同唔見野呀! 點算?!
