PR Work (2)

個 PR Work 今日終於都完咗﹐雖然我都仲未知有冇錢收﹐但個過程都算幾好玩。不過都係個句﹐好熱呀!

 

星期三 (Aug 23) - Harley Davidson x Stripper Model (我冇去!)

 

星期四 (Aug 24) - 水禾田攝影展﹐中途白姐姐行過﹐拉住水禾田影相﹐白姐姐真係好鍾意出鏡架!

 

星期五 (Aug 25) - Hair Show + Magic 表演﹐ 見到官恩娜﹐陳沛嘉同姚書軼。

 

星期六 (Aug 26) - PS2

Sony 俾兩隻 Winning Eleven 我地﹐後來我地去買左隻 Keroro game, 好得意架﹐係個大電視到玩﹐好型﹐d 小朋友都唔知幾鍾意﹐我地初頭幾驚冇人肯玩﹐好彩有 Keroro 咋....

 

星期日 (Aug 27) - 環保

好 Q 低能﹐都唔知邊鬼個諗出黎﹐叫 d 途人摺飛機﹐大佬﹐我成廿幾年都冇摺過飛機﹐真係唔識摺。最白痴係﹐叫人摺飛機飛入個箱到﹐話拎個箱野去recycle 喎﹐但係摺飛機個 d 紙係買返黎既 recycle paper 喎! What's the point 呢??

我仲上左"都市日報" 添!  http://www.metrohk.com.hk/news.php?startDate=28082006&newscat=1&newsid=23251 

 

星期一 (Aug 28) - Live Band (我冇返!)

 

星期二 (Aug 29) - 馬德鐘+詩琪﹔Yoga : 貝安琪+周倩圯+陳齋平﹔Thai Boxing; Whisterling + Another Thai Boxing

好熱呀! 冇機會同馬德鐘影相添﹐可惜! 貝安琪都好靚女... 夜晚個 d 乜乜 boxing 就好悶囉!

 

 

 

PR Work (1)

呢幾日﹐個 friend 介紹咗份 PR 工我試﹐因為我成日都話想轉 Marketing, 咪襯依家冇野做﹐試下 d 我想試嘅野。咁啱間 PR Firm 係 CWB 有 event, 咁我就走咗去唔知係做義工定係 cheap labor...

 

跟咗四日到﹐其實都唔係太多野做﹐都係行行企企﹐睇頭睇尾﹐有時幫手買下野﹐問下 d 人到未﹐但 30+ 度企係條街到幾粒鐘﹐真係好熱...除咗第一日企係條街到唔係好慣之外﹐呢兩三日都 ok... 不過都算幾好玩﹐起碼見下 d 唔同類型嘅人...

 

其中有個 helper 係就黎升 F.5 既學生﹐個日同佢去翠華食 lunch... 好似殺咗佢咁﹐$40 一碗粉都唔捨得﹐+$2 凍飲好似殺咗佢咁﹐我差 d 想話我請架啦! 但係我都唔知有冇錢收﹐冇理由咁豪架... 佢話我知﹐佢一個星期得 $50 零用﹐飯錢另計﹐我都唔記得我 F.5有幾多零用錢﹐好似係 $500 一個月﹐haha... 原來都已經係好耐之前既事啦! 大佬都幾姑寒架﹐錢方面既教育係教我要好慳架﹐儲錢呀! 應駛則駛係佢既口頭禪﹐但可能壓抑得太耐﹐我依家真係好大駛﹐玩親﹐鍾意既野都貴到死... 真係揾人娶我都幾難...

 

其實一路以黎﹐我都唔知自己性格係適合對外定對內﹐自己又唔係好 sociable, sales 又好似唔啱我﹐坐定定係 office 我又真唔想﹐但係如果依家走黎轉行﹐又唔知做得 d 乜﹐人工又係另一個問題﹐如果做返 business analyst, $ wise 就唔駛講﹐compare to 轉行﹐當然好吸引﹐但真係好悶好悶...  好煩...不過我都知﹐好難架啦! 其他都冇 experience, send 份 resume 去﹐連 interview 既機會都唔會有... sigh... 都唔知自己想點...

---

星期六 (Aug 19)﹐ 係有個叫 CK (陳詩琪) 既新人唱歌﹐+ Soler... Afternoon 就係Hip Hop Dance, Evening 就係 Lingerie Show... (今日冇影相)

 

星期日(Aug 20)﹐個 event 係阿虫畫展﹐其中有一幅畫真係好鬼諷刺﹐"快樂是忘掉所有數字"... 真的嗎? Business Analyst 是整天對著一堆堆數字同 data﹐ 離開數字真的會快樂嗎? 我很想啊!!! 

 

星期一(Aug 21)﹐ 係 Body Paint, 畫得好靚呀! 兩個 model 仲好索添... evening 就係玩 inline skating..

 

星期二 (Aug 22)﹐係Rapper + Hip Hop Dance + DJ 摔碟... 我見到部紅色既 Mac Book 呀! 好有型呀! 黑色都好型架!

旺角 Shopping Day

今日我去咗旺角逛咗陣﹐去好景到買咗兩隻 PSP game... 我終於都買咗太鼓達人啦! 都幾得意﹐我鍾意! 我買二手咗﹐ $170... 全新要成 $278 呀! 好貴...

我仲買咗隻 RPG﹐未試過呀! 呢隻冇二手... 希望好玩啦! 個老闆仲送咗個唔知係袋定係類似雜物架嘅物體俾我...

 

我今日去頂好到睇下d 烏蠅太陽眼鏡啦! 我塊面咁細﹐唔知 car 唔 carry 到麻﹐咪問下老闆﹐同睇下幾多錢囉! 點知俾老闆串喎﹐ 激死我!

佢介紹咗隻 YSL 俾我﹐都要成 $1100 喎﹐咁我咪話諗下先囉﹐因為我其實覺得好似麻麻地﹐ 同埋太陽眼鏡﹐我都唔係成日帶嘅﹐咪問下有冇 d 平d 架囉!

跟住佢開始唔高興﹐嫌我質疑佢 d taste, 話佢一睇就知我帶邊副靚﹐話我對自己 d taste 又唔肯定﹐又話黎幫襯佢嘅都係 d 敗家仔女﹐又話我保守﹐唔係 d 潮人﹐買野咁僅慎﹐唔係個 d 敗家仔女﹐人地兩三個月就換一副﹐我就買 d 襟興 d 嘅﹐用三四年個種... 又話你諗呀! 咁第日先再黎過啦! 今日人多呀! 我話我都係諗下先﹐遲 d 再黎揾佢﹐佢話你下次黎都唔駛揾我啦! 揾我 d 伙計得啦! 你買個d $2000-$3000 先揾我啦!

 

嘩! 咁 Q 串﹐喂! 就算買 $1000 樓下﹐都得掛﹐你唔好擺 d $1000 樓下嘅貨出黎賣呀笨... 真係你大晒咩! 買野唔可以考慮架! 問你都係見你俾意見﹐決定權始終係我手﹐咩態度﹐就算你有好多明星幫襯又如何???  豈有此理呀!!!

屋漏兼逢連夜雨(2)

sigh... 個管理員話驚住漏電﹐大佬即刻封鎖咗個浴室﹐後來仲揾咗個裝修佬黎﹐折咗部份嘅假天花﹐個達水跡立刻現形。 但係就連燈都 cut 埋﹐唔准係個度洗白白﹐只可以 pee pee 同洗手﹐搞到我依家每晚都要去大佬地個邊沖涼﹐真係極度麻煩﹐如果去街去得太夜﹐又驚嘈醒佢地﹐咁惟有第朝先沖啦! 真係好唔方便...夜晚去廁所又冇燈﹐黑麻麻咁... sigh... 煩死人!!!

 

今日個管理員黎睇過﹐話會出信俾樓上﹐佢話上次佢試過味﹐d 水係淡嘅﹐應該係食水喉漏水﹐應該唔係污水渠漏水... (so scary... d 水咁dirty 都放入口  )... 但係仲要等食環署嘅人黎做檢查﹐好似話 friday 會黎﹐但個 report 要等成 2-3 weeks 喎! 即係話如果樓上合作﹐都可以快少少﹐ otherwise, 1-2 個月都閑閑地... 分分鐘仲要法庭見...睇怕都有排搞... 聽講樓上個兩公婆都企得幾硬﹐好似冇乜意思去 fix 個 problem... cos' they are supposed to find a 水喉佬 to do some checking...

 

睇怕我都有排冇得返去自己個 bathroom 啦!!!   大佬幾鬼冇良﹐仲串我話今年屬虎嘅人運濟喎! 又關我事? 

 

sigh... 佢仲話要物色地方搬添呀! Shit!!! 

 

屋漏兼逢連夜雨

Sigh...前個排冷氣機漏水整咗我 $700﹐今次仲大鑊﹐浴室天花漏水。

 

我習慣將所有乾淨嘅毛巾放係浴室個毛巾架頂架麻﹐有日發覺有幾條毛巾好濕﹐以為大佬冇整乾 d 毛巾就攞入黎﹐都有 d 奇怪。

尋日成幢毛巾都濕晒﹐推下個假天花﹐有水漏出黎﹐大佬又話梗係因為近排打風啦! 佢不嬲都唔順超我放 d 毛巾係度﹐封塵喎!

今朝又俾佢嘈醒﹐佢係到同個管理員大大聲咁 complaint 緊﹐話十幾年都冇大廈維修﹐搞到外牆滲水﹐係到閙緊個主席 luk 水。

其實我諗邊有十幾年咁誇張呀! 係咁係到嘈!

 

後來我咪話埋佢知個走廊天花都有水跡﹐跟住佢又 call 返個管理員上來再嘈過﹐this time 個管理員比較 experience d, 佢話應該係樓上滲水落黎﹐咁之後就梗係唔會放過樓上個住客啦!  sigh... 睇黎今次都有排煩。

 

樓上個條友都白痴﹐聽個裝修佬講﹐倒 d 藍色既水落去﹐睇下係咪真係佢地流喎! 積左咁多水﹐落到黎都冇晒色啦! 如果真係流 d 藍色既水落黎﹐我真係第一時間上去殺死佢。又叫我地折咗個假天花﹐睇下係咪漏水﹐都 chi ma gun... 真係未俾大佬閙過... 係到找死...

新城國語力頒獎禮

尋晚同大佬去睇新城國語力頒獎禮﹐因為有人俾飛大佬﹐二佬又唔鍾意睇﹐咁咪我去囉...

 

其實都幾悶﹐一來係新城嘅問題﹐完全係分豬肉派對﹐n 咁多個獎﹐淨係歌曲都唔知成二十首﹐乜乜最受歡迎男女歌手都有 n 種﹐咩全亞洲﹐全國﹐全乜全物﹔二來大家都知我 d 國語有幾好架啦! 睇 live 又冇字幕﹐都唔知佢唱緊乜﹐又唔係個個獎都有字幕打出黎﹐有時都唔知佢扮緊 d 咩獎... 有d 歌手﹐見都未見過﹐都唔知佢係乜水...

 

最搞笑係其中有條友叫羅志祥﹐聽都未聽過﹐但人地攞全國最受歡迎男歌手﹐仲有一大班 "艾" 到死嘅 fans, 心諗: sigh.. 慘啦!  out 成咁﹐點算!!!

好似人地 d 阿婆咁﹐唔識 d 歌手啦!!! 死未...感覺很差啊!!!!   另一個全國最受歡迎女歌手都唔知叫乜名﹐cos' 國語聽唔明﹐望下 d fans 牌﹐有個 "筆",有個 "暢", 返屋企 search 下﹐先知佢原來叫周筆暢...