Sick + PSP終於到手啦 !!!

Sick

其實前幾日﹐個喉嚨 都開始好痕﹐尋晚半夜已經 feel 到個喉嚨有 d 唔妥。點知今日真係出事﹐左邊都幾痛﹐又唔係平時淨喉嚨痛嗰隻﹐feel 到隻耳仔都痛痛地。Sigh... 唯有去探下醫生啦!我同醫生講﹐前幾晚發夢見到你﹐估唔到真係要黎探你...

 

醫生話我扁桃線後面發炎﹐佢話有機會有膿﹐佢話如果有膿﹐會窒息﹐仲話佢有個 patient 試過﹐要係喉嚨度開個窿﹐一開個窿﹐d 膿就....   eeee... so gross... 都唔知阿醫生係咪嚇我嘅....

 

但見佢又好似好緊張咁﹐千叮萬囑叫我幾日後返去俾佢睇下... end up 仲開咗 7 days 藥俾我﹐有兩隻消炎藥 + 消腫 + Cold + 退燒... 我都未試過食咁一次過有咁多消炎藥.. hehe... 唔知係咪心理作用呢﹐好似食咗 d 藥好想瞓..

 

 

---

PSP

好開心! 部PSP終於到手啦! 今日收到HSBC 封換領信﹐就拿拿林出去 CWB 換﹐點知冇晒我想要嘅白色啦! 得返黑色... 真係有 d 唔開心﹐但嗰個人話如果想要白色﹐要等到 9 月﹐仲唔知有冇貨﹐嘩! 仲要等成個幾兩個月﹐sigh... 算啦! 黑色就黑色啦!

 

跟住﹐我就走去買多隻 game... 都唔知有邊隻好玩﹐我都想買"太鼓之達人" or "SIMS 2", 但最後都係買咗隻 Puzzle Bubble﹐玩住先啦! 我玩得最多都應該係呢隻﹐ 真係點玩都唔厭﹐可能因為我蠢﹐嗰 d action game 我都玩唔掂﹐最鍾意都係 d 射波波 game or puzzle game 同埋 RPG﹐但係我唔鍾意食鬼同 Bomber Man 喎! 好似話遲 d 會有 Final Fantasy 呀! ... hehe...

 

再去書展

Yesterday, 去咗 CWB 行街街﹐因為我鍾意嗰件 Tee﹐終於都減到 6折﹐好似話係 final sale。同埋再去 Sony Showroom 度再試下我想買嘅 T-30。

 

講起相機﹐我話要買一部有防手震嘅機﹐都講咗起碼半年﹐睇黎睇去﹐都唔知買邊部好。原本諗住買 Panasonic FX01, 點知睇睇下又想買 Sony T-30, 但係多數人都叫我唔好買 Sony, 話 Sony d 機好唔掂﹐又話 memory card 貴﹐但係我睇 d forum 同 magazine review, 又好似好 ok wor... 同埋佢又真係幾靚仔..

 

但係 d 人又同我講 Canon & Fuji好。咁我又由頭睇過 d review 喎﹐搞到我心大心細﹐都唔知點好。  跟住又見到有部 Panasonic LX01, 可以玩埋 Manual, 咁又心 "yuk" 想學下玩 Manual 喎.... 點好呢!

 

尋日﹐原本諗住如果百老滙俾到個 good price 我﹐就扑 鎚買架啦! 點知個 friend call 話睇戲﹐我想睇嗰套車車卡通片﹐點知英文版又剩返頭嗰 4行﹐結果咪唔睇囉! 咁個 friend 就 met me at Broadway﹐佢又猛話 Sony 唔好﹐又話如果識影相嘅人係唔會買 Sony 嘅﹐又話部 Canon 外型靚﹐個 sales 又話Canon or Fuji 好。 結果我都係決定返屋企諗清楚先。

 

食完飯之後﹐個 friend 話要去書展﹐cos' she wanted to buy the book of Christ Pattern﹐因為阿彭生今日係美孚西鐵站有個簽名會﹐佢要去攞簽名。 尋日書展開到 2am 呀! 咁我地咪 12am 坐的士去囉! Damn.... 好死多人呀! 好似去行年宵咁... 仲要 duo 返出去天橋到入。如果唔係我個 friend 要買﹐我一定調頭走...

 

原本都仲有兩本書想買﹐但係俾錢個度多人到圍住成個 booth 排隊咁濟﹐我生平最怕排隊﹐要排隊我情願唔食唔買...都係 8 折啫﹐算吧啦!

 

大家快 d 睇下張相﹐係我走緊個陣時影架﹐有冇見過 2am 有咁多人??  香港人真係咁有文化氣息?? (aiya... 張相又係濛架!  我都係快 d 買部新相機算啦!  )

一年一度的書展

今晚去咗一年一度的書展﹐嘩! 好死多人呀! 同舊年一樣﹐我同 Rossetti 一齊去﹐但今年冇好似上年咁﹐陪佢係兒童館玩咗 3 粒幾鐘。今年我自己去咗文具 area & 成人館﹐之後先再 meet 返繼續行。

 

我買咗幾本書﹐主要係貪佢有8折﹐都係流行小說多..hehe.. 我邊有華子咁有文化修養﹐淨係睇個書名都已經瞓得著...

 

1) 來不及聽你說愛我 (Wasabi)

2) 紅顏露水 (張小嫻)

3) 我們都是公主 (張小嫻)

4) 收到你的信已經太遲 (張小嫻)

5) 一個人的第一次 (高木直子 - 150 cm life 嘅 series)

6) 甜心澀女郎 (朱德庸)

7) 中國人的一夜情 (杜冷丁)

8) 一枝 CD Marker Eraser

9) 一枝 WD-40 No Mess Pen.

10) 日語一日一題 (送嘅﹐佢俾廣州話同日語我揀﹐唔好玩啦! 梗係揀日語啦! )

 

行咗4粒鐘之後﹐我地兩個都攰到死死下...

 

呀! 我都有企圖揾華子﹐sms 咗佢又冇 reply 我﹐我又未見過佢廬山真面目﹐都唔知去邊度揾﹐原來佢今日唔駛 on duty, 同佢緣慳一面添...

GZ Trip

尋日同幾個 friends 去咗廣州 one day trip...好好彩﹐我地兩程都坐到靚靚個架直通車。但係今次我就衰咗﹐冇 book 位﹐搞到去程要分開坐...  

 

嘩! 好熱呀! feel 到自己好似溶咗咁...

 

其實都冇乜特別野做﹐都係四周圍逛逛﹐最初我地行嗰度冇冷氣﹐熱到想死﹐行到去間有冷氣嘅舖頭就扮睇野﹐睇耐 d 唔願走。後來去到一間有冷氣嘅商場﹐簡直係天堂同地獄嘅分別。度都算係咁囉﹐我地後尾上左去一間商務中心嘅 cafe到抖﹐一杯 coffee 都係 $5﹐ 最重要係度個 washroom 夠乾淨。

 

ar... 我係度見到 LV 環保袋 (see the pic below)... 今次我淨係買咗一把小風扇﹐實在太熱啦!

 

行完之後﹐我地是但 pick 咗間酒樓食飯﹐都 ok 好味。但係臨瞓之前﹐個肚仔有 d 痛﹐但係又冇痾喎! 唔知係咪 d 野有 d 唔乾淨呢... cos' 另一個 friend 個肚仔都係有 d 唔舒服。

 

今日起身﹐隻眼入面有d "kep"同少少痛﹐揭開眼皮睇下﹐好似有兩粒野咁﹐唔知係咪 'jut' 咗 d 污穢野入去﹐定係睇得咸野多生眼 'til'針呢...   好彩我試過都仲帶到 con, 唔係都唔知點出街... hehe...

keroro軍曹人物名字由來

都係 search Keroro嘅時候揾到嘅...

 

keroro軍曹人物名字由來

keroro-------原來kero係青蛙既叫聲
tamama--------tama係日文"蝌蚪"既簡稱
giroro--------日文giro是指「啤」人，還記得giroro一出場狂啤人時隻眼旁都有giro
kululu--------kululu的眼鏡把kulu這個字發揮得淋漓盡致，就是團團轉
dororo-------doro是忍者投煙霧蛋的聲音

Keroro 小測驗

係 search 下有冇 update 嘅 keroro 時候﹐揾到個小測驗﹐唔知你地有冇做過!  

My Result is "A"

 

START!!


1.討厭做家務


YES----2 NO----4


2.喜歡收集東西


YES----3 NO----6


3.在宏偉豪宅中會坐立不安、手足無措


YES----結果A NO----結果B


4.喜歡體育運動


YES----5 NO----8


5.難以容忍比自己光芒耀眼的人


YES----3 NO----7


6.在可怕的強者面前非常老實聽話


YES----結果B NO----結果C


7.喜歡吵架多於聊天


YES----結果C NO----結果D


8.有著強烈不可掩飾的,對出色異性的嫉妒心理


YES----5 NO----9


9.有10個以上的好朋友


YES----6 NO----10


10.看見別人有困難就會伸出援手


YES----結果D NO----結果E

 

 

---

Highlight the followings 就會見到結果架啦! 去片!

 

結果！
結果A  KERORO軍曹型人格
自信心極強,同時亦會審時度勢,做出有利於自己的選擇.遇到挫折時常常會逃避現實,但有著屢敗屢戰的韌勁,對金錢的執念也很驚人.此類人格還是有點可怕的…………

結果B  TAMAMA二等兵型人格
典型的雙重人格,知道用什麼樣的方式能討人歡心,常常用可愛的舉動掩飾內心真正的想法.有著相當強烈的嫉妒心,一旦嫉妒能量突破極限,會有判若兩人的暴走反應!

結果C  GIRORO伍長型人格
思維直達,不善於口頭表達,認定的事情或鐘情的對象一定會追求到底!有著不輕易動搖的行事準則,也會為朋友兩肋插刀.如果可以容忍他的頑固強硬,那便可以以命相托!

結果D  DORORO兵長型人格
心地光明磊落,正義感極強,但也不會強迫他人接受自己的信條.其實也可以用“深藏不露”來形容，往往會有出其不意的特長或才藝，對人非常溫柔，是善於傾聽的好人！

結果E  KURURU曹長型人格
以自我為中心，基本不顧及別人的感受。非常聰明能干，卻不太願意把這種聰明用在正途，因此會給自己和他人帶來危險和困擾。完全不在乎別人的評價，是我行我素的典型！

回流記(2)

近排同阿媽傾開電話﹐佢話已經 pack 咗箱﹐有40 幾箱咁多﹐佢之前又好似癲狗咁話我有幾多幾多野﹐又話 d 公仔 ship 返黎嘥 $$, 又話成幾舊水一箱﹐唔值... 呢樣個樣... 咁我以為今次 ship 一ship d 野返黎要幾萬蚊港紙啦!

 

呀 chiu! 原來 40 幾箱野﹐加埋個琴﹐又書架... 先係個千零蚊加紙﹐即係大約一萬蚊港紙左右﹐好心就唔好係到嘈生哂啦! 係唔俾安寧嘅日子你過先安樂...

 

跟住﹐又嘈我好快 d 賣埋個 d 跌淨少少 $ 嘅股票﹐sigh... 知啦! 知啦! 唔駛幾乎日日都講一次...

我話知啦! 架車就黎要俾人啦 嘛﹐冇車用啦 嘛... 佢跟住開始發我 lan jar...

 

話﹕我理得你呀! 你咪唔好賣囉! d 錢又唔係我嘅﹐你有錢又唔係俾咗我! .......(開始講錢... )

 

aiya... 好煩呀! Annoying 到死﹐  跟住我咪 cup 鬼咗佢線囉! 發我爛渣呀 la... 我都係學佢架 jar... 反正遲多幾分鐘佢實會 cup 我線架啦! 我都費 Q 事聽佢係到發神經﹐尋晚仲鬼死咁眼瞓添...

 

Weekend

July 9th

 

星期日, 去咗愉景灣個 friend 屋企﹐睇下相﹐video 同吹下水... 嘩! 見到佢去日本 d 相﹐好死吸引﹐不過佢主要都係 ski﹐溫泉﹐hiking 同飲飲食食嘅 相﹐好死吸引... 條友仔真係好鬼識飲識食... 最印象深刻係個張一大碟肥美嘅 toro...  好想食呀!!!

 

睇到佢地去 ski 個 d video, 攪到我好想 ski... 亦令我諗起我三月去 ski 個 d 相都好似未 post 上網﹐所以尋晚一返到屋企就拿拿林搞掂佢... hehe...

 

愉景灣個 environment 真係好正﹐好靜好舒服﹐但係如果我搬入去﹐我咁懶﹐睇怕我多數會係入面 "au" 蟲... 或者餓死咗﹐除咗碼頭附近﹐d 屋方圓十里都冇食肆, 下下都要坐巴士﹐等巴士... 咁樣﹐我會死架!

 

尋晚亦係世界盃總決賽 - 意大利 vs. 法國﹐雖然我都唔係好鍾意法國﹐但唔知點解﹐對意大利又真係冇乜好感。我亦唔係好鍾意 Zidane﹐但見佢最後一場﹐諗住算啦! 都希望佢贏嘅... sigh... 點知... 佢俾人紅牌趕左出場... 激死! 點會咁架... 話晒都係一個咁 experienced 嘅 球員﹐仲係隊長添﹐加上係退休 last 一場, 又係冠軍賽﹐點會咁沉唔住氣架! 究竟馬特拉斯同佢講咗 d 乜野呢!

 

 

 

 

購買慾 Solved

今日去唱咗個 Happy Hour Karaoke, 好耐冇去過 K 啦! 雖然成日都 downloand 好多歌﹐但唔知人老咗﹐記性唔好, 定係學野慢咗﹐每一次去 K﹐都依然係有一大堆歌係唔識唱﹐兼且有一堆大歌﹐真係聽都未聽過。同埋唔知點解﹐d 歌好似越來越難唱...

 

之後﹐約咗兩個滑雪朋友仔食飯... before the dinner, 我走咗去 Agnes'b 度滿足咗我嘅慾望 - 買咗一個我舊年已經想買嘅袋﹐其實個袋冇乜特別﹐不過唔知點解﹐我好鍾意囉! 原本舊年俾個 friend 打消咗個念頭﹐但近排我又好想買﹐我諗我真係好鍾意﹐所以今日就走去買咗... hehe... 好開心!

 

但係今日又俾我睇仲咗個腰 BAG... Mm... 佢應該會係我下一個 target... 但係遲 d 先啦! 近排駛咗好多錢﹐遲d又要洗好多錢... 仲有個新 Digital Camera 都未買... 睇黎個新 Digital Camera 都可能要等多陣先買... Sigh... 慘!!!

世界盃 & 證件相

世界盃

好慘呀! 我最鍾意嘅 巴西就係咁被法國 "幹掉了"...   Sigh... 搞 到我都冇晒興趣...

但係都好﹐睇多一場 CCTV 就可以睇 TVB 直播。死人有線﹐憎死佢。

 

今晚同個舊同事傾電話, 佢話最好係 Fendi vs. LV (Italy vs. France), and then Fendi win win!!!

佢話之前佢地係到講 Spain vs. France (Loewe vs. LV ), but LV win 左...

 

我就 prefer Germany vs. Portugal, 我點都唔想 France win 架啦! hung... 幹掉左我既巴西... 况且我都幾鍾意 Figo and C. Ronaldo... hehe...

咁即係咩對咩? (Hugo Boss vs. 咩好?)。。。 Portugal 有 d 咩牌子???

 

---

證件相

 

世界盃都打得七七八八﹐開始有 d 失落添﹐不過都好﹐係時候整理下 d 濕星野。尋日終於的起心肝走去影左張證件相﹐用黎揾下工咁﹐順便影定張相攞 Canadian Passport。話時話﹐攞 Canadian Passport 真係好麻煩﹐張相又唔准笑﹐好彩個老闆都好好人﹐俾我影咗好多次﹐但係都好肉酸下﹐冇法啦! 鬼叫生得唔靚咩! 仲要係我影相隻眼對 flash 好鬼 sensitive, 次次都得翻半隻眼﹐但今次我瞪到隻眼有咁大得咁大。點知晒到出黎我個樣變左好居, 好搞笑咁...