白老鼠(1)

係一次冇飯聚中, 俾我發現有一種 freelance, 我都可以做, 就係伴奏... 一來可以迫自己彈下野, 二來人越大, 好難再有d 咩 music festival 去練膽...

終於有兩個好大膽既人, 俾我去試, 第一個有排都未發生; 第二個係個 friend 唔得閒幫個仔係 music festival 做伴奏, 而佢又冇要求個仔要攞獎, 就俾咗我做白老鼠啦...

雖然都 pass 咗 G8, 但係由細到大, 上台既 experience 好少, 次次都係手騰腳震, 真係腳仔軟 and 小腿不停咁震架... 做伴奏更加未試過啦...
加上自己 d 拍子好弱, 時快時慢, 又憎用拍子機喎... 次次都俾 miss鬧到飛起, 先好唔願意咁夾拍子機....

Sight Reading 又係差, 咁惟有將少少勤補下拙啦, 起碼練到彈得 smooth 先啦...

今日第一次夾, 同我平時自己彈好唔同, 要彈得大力好多, 大細聲反而唔駛做到好足, 要好明顯俾佢聽到個 beat... 同埋個拍子要好準啦...

好彩阿仔個阿媽好勁架啫... 唔係真係死梗...
 
我都唔知算唔算好難, 不過同人夾, 又真係好好玩....

但距離可以自己 handle, 收錢成為一個 freelance job, 條路仲有好長好長呀, 都唔知有冇咁既機會添...