Bad News

o岩o岩係上海返黎﹐原本諗住講下個 trip﹐但係都係遲 d 先﹐因為同阿媽報平安之後﹐咩 mood 都冇晒。

 

大事件 

sigh... 大件事啦! 阿媽話我知﹐加拿大間屋賣左啦!

o甘我即刻問佢﹐o甘你咪要返黎?

佢話﹕ "係呀。。。"...

o甘幾時交吉呀?

佢話﹕"7 月14。。。"

o甘快?  Shit...   (aiya... 又要見到佢啦! 俾我放耐 d 假得唔得呀! sigh... 仲要 for good 添... 死火啦! )

 

跟住﹐講開 d 傢俬o既問題﹐講講下就開始開片啦! 我話要翻係 Waterloo 用開o既 mattress...

佢死都唔肯幫我 pack 翻返黎﹐話要我俾個合理o既理由佢喎。

佢既理由係﹕

1.我依家張床係 4x6﹐都唔o岩用﹐買過張新既仲好。(張mattress 係 single size)

2.運返黎要錢。

3.運到返黎要搵地方放。

 

但係我既理由係﹕

1.張床雖然係 single size﹐但係我o甘多張床最舒服o既一張﹐要知道千金難買心頭好﹐dump 左就係 dump 左﹐買唔返架麻﹐尤其是 mattress﹐好難買。Dump 左佢﹐真係好唔捨得。以前我係 toronto﹐有時都特登走去客房訓﹐因為 toronto 張 Queen Size 又係訓到我周身骨痛。

 

2. 我話我俾返錢佢囉﹐死都唔肯。死要我俾 valid reason 佢﹐都 chi ma gun... 咪講左囉﹐又唔聽﹐永遠都係俾 d 佢唔o岩聽o既 reason 佢就係唔 valid﹐仲叫我去問下人﹐我o甘做合唔合理喎﹐問咩o者﹐我認為合理咪 ok 囉﹐就算有 100 個人話唔合理﹐我認為合理咪得囉。乜野叫做"心頭好" o者。。。

 

激死我!  佢見我唔係好睬佢﹐就開始o趙我﹐話叫我幫手問下邊度賣 d 傢俬都唔幫 (頂你呀﹐幾時有話唔幫o者。。。) 我咪話囉﹐我講既你都 ignore 我架啦﹐你話乜都得﹐我話乜都錯既。。。

又問我﹐你 d jeans 仲要唔要﹐我話咩 jeans 先得架﹐你一係就影張相 send 過黎﹐你o甘講我點知你講乜先得架。o甘佢話喎﹐全部 pack 晒返黎先算﹐(呀﹐頂你呀﹐應 pack 又唔 pack﹐唔應 pack o個 d 就pack 晒返黎。。) 跟住﹐我話我唔想同你講呀﹐佢咪發爛渣﹐又話我對父母唔好﹐對外面 d 人好﹐Blah blah blah...  chi ma gun... 跟住咪 as usual 地 cup 鬼左我線囉。。。

 

sigh... 死啦﹐要我 long term o甘對住佢地﹐真係唔掂檔﹐要諗諗計先得。。。

生日禮物 (2)

今日收到 Cat 唔知係邊度 send 黎 (should be from HK) o既 belated birthday gifts...

謝謝!

沙田一日遊

May 20

 

今日去左沙田第一城度逛街﹐買左一對鞋﹐aiya... 又洗錢添...仲買左兩個 storage box﹐$69 each... 正!

 

原先﹐個 friend 話行一陣就返去同個女游水﹐o甘我咪著左對high heel d o既涼鞋去行街街。點知行程有變﹐同佢返屋企幫小朋友報 Ballet Class﹐and then 先去食 lunch 同行街街﹐我地兩條友﹐最後搞到成 4pm 先食 lunch。之後﹐當然冇去游水兼繼續行街街﹐隻腳累到 diu diu fing...

 

最後﹐我地同小朋友去左 Ikea 玩波波池﹐係 Ikea 度食左個 cheap cheap dinner﹐一個燒牛仔肉都係 $38﹐已經係全場最貴﹐不過都幾好味。

 

唔知點解﹐近排多左d小蟲﹐又唔係烏蠅﹐又唔係蟑螂﹐都唔知算係乜﹐黑色好細粒...今晚我終於忍唔住﹐去 Park n Shop 度買左 d 殺蟑螂o既連環殺... 嘿嘿嘿... 你地今次仲唔死...

 

 

生日禮物

其實呢個 post 應該係 at least 半個月前 post o既﹐但之唔係都係 same reason - 懶囉...

 

我今年收左好少生日禮物 jar﹐淨係得 Dad & Mum & Auntie 俾我o既 3 封利是同灰姑娘越洋寄黎o既薯頭草。為左答謝灰姑娘o既厚愛﹐我點都要 post 一 post 佢o既禮物... 多謝晒!

 

 

清相大行動 (1)

由上星期開始﹐終於的起心肝﹐進行呢個清理相片大行動。嘩! 好痛苦!

 

平時我都唔係一個 organize o既人﹐加上呢幾年﹐主要o既影相工具都係呢個 Digital Camera﹐d 相周圍都係﹐有 d 係人地晒翻俾我﹐有 d 又做o左 backup 燒o左碟﹐有 d 係部 desktop 度﹐有 d 係部 laptop 度﹐有 d 可能係人地度...

 

依家要將 2000-2006 年o既相搵返出o黎﹐分返 folder﹐做 backup﹐再晒返 hardcopy... 真係有 d 想死o既感覺... 雖然辛苦 d﹐但都值得o既... 有 d 似將o甘多年o黎o既 memories﹐重溫一次﹐睇返 d 相﹐會諗起好多開心o既情景﹐都幾 sweet sweet 架﹐好似去旅行o個 d 啦! Karaoke 啦! Annual Dinner 啦!  不過﹐有段時間做野做得好唔開心﹐嘩! o個排影o個 d 相﹐個樣幾肉酸呀!  之但係﹐o既然係我人生o既一部份﹐我都有放入相簿﹐冇撕左佢。。。

 

不過﹐o甘多相﹐d 晒相錢都好甘呀! 仲有買相簿錢﹐wooo... 好肉痛呀!

 

2000-2002 已經完成左﹐睇o黎今晚都應該可以 finish 2003 年啦o掛...

 

快樂的守則 (轉貼自灰姑娘)

o岩o岩去完灰姑娘個 blog﹐見到佢呢編  快樂的守則 ﹐好好笑! 決定轉貼!

 

我最鍾意 #48. 睇鹹片不要拗劇情...

 

 

起步
1. 早上一起身便對著鏡依起棚牙，開心的豬頭炳，幾時也開心過憂鬱小生。
2. 越早起身越好，晏起床的人總好像不大快樂。
3. 無論怎樣忙，一定要食早餐，而且一定要把早餐慢慢歎。一早起來便趕喉趕命，整天都會有『唔知為乜』的感覺。
4. 大解後才出門。

 

待人
5. 喜歡你喜歡的人，討厭你討厭的人，待人毋須平等。
6. 告訴你喜歡的人你喜歡他╱ 她。
7. 無關重要的人誤會了你，便由得他們一錯再錯。
8. 無條件為喜歡的人辦事。
9. 無端白事送件禮物給自己喜歡的人。
10. 待人以誠，對方不誠便立即遠離，勿拖拖拉拉，做大戲才須好頭好尾。
11. 任何條件也不為討厭的人辦事；雖小氣，免勞氣。

 

裝修
12. 不要在白鴿籠內建造羅馬柱。
13. 客廳不置組合櫃，空間頓增加七倍。
14. 別讓室內設計師把你的房子設計成他認為理想的房子，除非你打算與他同居。

 

財政
15. 不打算炒賣任何東西，便無忌。
16. 帳單收到立即付，便無牽無掛。
17. 可以送錢給人，別借錢給人。當然也可以不送錢不借錢給人。
18. 可以有多少錢，並不是由自己決定的，毋須一天到晚『數住』。
19. 間中買貴了，不值得耿耿於懷。
20. 床單至少有兩張，信用卡只需一張。

 

從簡
21. 不動用自己不懂的字眼。
22. 不去了解自己不明白的人。
23. 週末 ╱假期不一定需要有節目。
24. 不講大話便不用記住講過什麼。
25. 不扮野便不用記住要扮左乜野。
26. 不要看不順眼的人 ╱事物，別看需要邊看邊罵的東西，一年頂多看一次半

    次好了，例如港姐選舉。
27. 不用應酬你認為是『應酬』的飯局 ╱聚會 ╱出席等等。
28. 把 Appointment Book 丟掉，你不是牙醫。
29. 你不需要兩隻手錶，當然更不需要兩副面孔，徒增添維修費用。

 

接吻
30. 別濕吻不愛的人，手尾好長。
31. 更加不可濕吻權貴的屁股，乾吻、甚至輕啄也不宜。
32. 接吻時，全情投入，別看鐘錶，別看股價，別看天地萬物。
33. 保持舌頭清潔。
34. 吻時別嚼香口膠，也不要把對方當作香口膠來嚐。
35. 有冇人錫，都要錫自己。

 

飲食
36. 每天至少吃兩個水果。
37. 眼睛多吃冰淇淋，便可減少眼火爆。
38. 路過涼茶鋪，不妨幫襯一下－有無幫助不重要，自己覺得好便是好。
39. 茶樓酒館宜少去，免得二手煙頂住你個肺。
40. 雞肋及其他食之無味的東西，毫不可惜地棄之。
41. 飲水，飲水，再飲水。

 

睇戲
42. 遠離慘情片，尤其是那些真摰動人的；哽咽有礙呼吸，好辛苦。
43. 看不明白大師的電影，不用內疚，也不必扮欣賞。
44. 睇戲當然要吃零食。
45. 拒絕看配了廣東話的外語片，尤其是成人電影。
46. 請女人看極度驚慄片之前，自己先獨自看一次，免得屆時出醜。
47. 專心看戲，不分心在戲院偷錄。
48. 睇鹹片不要拗劇情。

 

工作
49. 適可而止。

 

50. 過後不過一啖笑，記住起身依起棚牙，性感豬頭炳嚇不死人也嚇死自己， 好 happy 。

 

阿貓地攤

April 28  

 

天氣好差﹐搞到個人都冇乜 mood。不過夜晚就約左 UW 班朋友仔食飯 (Times 小南國)﹐so called 慶祝生日 (Tony, Wilson and me) o甘啦! 但係 total 都係得 6 個人﹐cos' Grace 又唔係 HK﹐ Rex 又放飛機...  

 

之後我地去想去 Park Hotel 間 Cafe One 到飲野﹐點知人地淨係得 Buffet﹐o甘我地咪去左樓下間 Coffee Shop 囉﹐跟住又話坐得唔舒服﹐又貴﹐o甘 Edna 姐就 suggest 去阿貓地攤﹐o個到有好多貓 ﹐周圍走去同 d customers social﹐又肥又大﹐都好得意... Tony 坐我對面﹐我係到睇緊 menu﹐一抬頭﹐ Tony 就變左隻貓﹐坐左係 David 隔離。。。 轉眼間﹐ Wilson 後面又有隻貓同佢 share 張凳...

 

野飲都 Ok﹐價錢都 Ok﹐其實環境都幾舒服﹐不過個 menu d 字就細左 d﹐David, Tony and Wilson 話 d 人客都 Ok 喎! 

 

但係我係唔會再去架!!! 我都以為我得架... 點知我坐低冇耐﹐我個喉嚨已經勁痕﹐跟住個鼻又痕﹐我都唔敢掂 d 貓貓 ﹐幾驚隻眼又好似生白內障o甘呀! 好彩冇事o者﹐不過﹐我個喉嚨到今日仲好痕﹐下次見貓之前都係啪返粒藥先﹐唔好講笑。