Rockschool Piano Exam

Date: Dec 16th

Time: 15:35-16:05

Place: Ricky Music Factory (Fortress Hill)

Examiner: Tim Moore

 

Songs:

1. Silent Movie Chase (Film)

2. Prelude (Classic)

3. No Time to Loose (Pop/Rock)

4. M.B.G. (Jazz)

5. Best Bet Boogie (Blues)

 

辛苦咗差不多7個月, 終於都完結啦! 當我彈完最後一隻歌嘅時候, 成個人都輕鬆晒...

 

個 examiner 好好人, 之前考 guitar 嗰個人冇 show up, 又未夠鐘喎, 佢俾我入去練住先呀! 但唔知點解, 我臨出門口係屋企 run thru 咗一次, 都好地地, 去到就亂亂地, 我都知衰架啦! 點知頭嗰兩隻真係出事... 彈得好肉酸, 錯咗好多度呀, Yesterday, teacher said 覺得我隻Prelude 應該唔錯, 但嗰隻我一向都覺得麻麻, 今日仲出晒事添... 隻 Silent Movie Chase 更加唔駛講, 最先學嘅係佢, 彈得最肉酸嘅都係佢...

其餘嗰3隻, 我諗應該 ok 啩... 好似都冇乜點錯, 最開心係我彈完 M.B.G., 個 examiner 話 "Good"... 唔知佢講真定假呢!  因為我都覺得唔錯, 不過尋日 miss 話我最差係 M.B.G. cos' 有一段我 get 唔到個 rhythm, 尋日拿拿林改架, 希望 ok 啦! But anyway, 就算唔 pass 有一隻俾佢讚Good 都好啦! 

 

我見個 examiner 寫咗好多 comments 係頭嗰兩隻到, 我仲要等好耐先開始彈第二隻同第三隻, 如果唔係彈得衰, 邊有咁多野寫呀!

 

但頭嗰兩隻彈成咁, 唔知合唔合格呢! 我 Miss 舊年考, 都係攞 Merit 咋, 但係佢覺得應該有 Distinction 嗰喎... 有d 擔心添... 如果要再練過就慘啦! 好辛苦架!!!

 

arrr... 尋晚我做最後衝刺嘅時候, 看更走上黎話隔離屋投訴嘈喎, 大佬同二佬不知幾緊張, 要我即刻 stop, 話一陣警察上黎拉喎, 上庭, 罰錢都唔抵啦! (上咪上囉, 罰錢, 俾佢囉!) 又話一陣留案底, 冇晒前途喎... 都 chi ma gun... 前途? 返正都冇乜架啦! 是鬼但啦! 留案底??? 當我三歲咩! 我三十幾歲啦! 大佬! 你昆我都用吓個腦先呀, 唔該! 呢d 咁嘅大話, 今時今日, 三歲靚仔都未必昆到啦!

 

 

 

Band Lesson

今日第一次夾 band, 好好玩, 同我平時聽 mp3 練, 感覺 totally different, 好 feel 好多, 之前上堂仲俾 miss 鬧, 話我 feel 唔到個 beat, 又入慢半拍, 佢擔心時, 我又驚, 佢仲話如果唔掂要換人添,幾 hurt 呀,  你知啦! 彈到錯晒好樣衰架嘛... 但我聽 mp3 又真係唔係好 feel 到喎, 好彩今次真正夾嗰時, 聽得個 drum 好清楚啫, 希望 ok 啦! 但係我有時都唔係好聽到究竟係我彈緊, 定係個 guitar, 仲知同個 guitar 出同一個音, 冇撞 chord 就算囉...

hehe.. 我今日係到諗, 如果我第時有個仔, 一定要俾佢學 guitar (drum 都得)... 我見到阿 sir 十下十下咁, 拎住枝guitar嗰陣時都幾有型...

不過有 d 搵笨囉, band practice 都要扣半堂錢, 唔 fair 喎, 我一堂咁貴...

大閘蟹

Date: Dec 03

Venue: 尖沙嘴仙宮樓

Persons: Flora, Patrick, Uncle Chan, Me and Sawako

 

今年第一次食大閘蟹, 記憶之中都係第二次食咋, cos' 大佬 and 二佬都唔好,細個食得最多嘅係肉蟹... 近呢一兩年都有叫佢地買, 佢地又叫我買, 結果年年都不了了之...但係唔知點解, 我兩次食大閘蟹之前後, 都係病...

 

好開心, 又見到我個 Japanese teacher Sawako, 佢返咗日本都成年啦, 希望佢快 d 返黎, then I can continue my Japanese class...

 

 

Fine Dining

Date: Dec 1

Venue: Gaddi's (Peninsula Hotel)

Persons: Flora, Patrick and Me

 

講咗幾年話要去 fine dining, 終於實行, 地點揀咗 Peninsula 嘅 Gaddi's, 我諗今次都算係第一次 fine dining, at least 個價錢真係 very fine,有 d 肉痛... d 野食都好好味, 個 environment 就更加唔駛講啦! 好鬼死 grand 同romantic... 下次再 fine dining, 一定要著靚 d...

 

我地每人叫咗一個 set dinner...好飽, 最後個 dessert 都食唔晒, d chocolate 都要打包...但我地三條友開始病, 佢地仲 special order 咗個熱檸樂加彊添...

 

 

又搬位

同事仔俾個衰老細extend probation for 2 months, 即走, 個衰人見到佢assistant 同同事仔係到喊,竟然仲係到笑, 問佢地 "Why are you gals crying?", 跟住仲問同事仔執好野未, 然後問佢assistant, 同事仔 d access right cut 晒未, 然後 say thank you to 同事仔... 忽然間覺得佢真係好黑人憎, really no wonder 全公司嘅人都咁憎佢... 我今日見到佢個背影, 好有個種"見佢後面,憎佢前面"嘅 feel...

 

都唔知係我黑仔定係乜, 做親份份工, 無論長短,唔係搬 office 就係搬位, 平均幾個月就搬一次, 今次仲得個3個月都要搬, 個賤人要我搬去同事仔個位, 我以前個位不知幾好,係個窿度, 依家搬咗去佢門口, 周身唔聚財咁.. 對呢d 咁嘅賤人, 我以後都唔會俾好面色佢睇...

 

雖然 Tarot 呀, 紫微斗數話我命帶驛馬, 成日都會係咁走來走去, 但又唔見我搵到份工係有得出trip 喎, 淨係係個 office 度係咁搬, 真pk...

忙到嘔!

一年一度嘅 Annual Concert 又終於完結啦! 總算可以回一回氣﹐近排真係忙到嘔﹐但都係d 私人事務﹐同工作冇關。不過我一向工作方面都唔忙架啦! 依家搞到好似 d 私人野係我正職﹐返工係副業。

 

今年其中一首歌係Medley from Les Miserables,  又要背歌詞﹐又要記走位﹐除咗every friday nite 嘅 rehearsal, Conductor 再加咗 4 個星期嘅 extra rehearsal on Sat...  不過都算幾好玩﹐起碼同 d 人熟咗d, 終於都記得d 人 d 名﹐有 d 人我見咗5年都仲係認得地 d 樣咋! 仲以為完咗 concert 唔駛練住﹐點知 12月有 caroling, friday rehearsal till mid of Dec...

 

跟住黎緊嘅就係 Piano Exam, 有5首歌﹐練到我死下死下﹐d 手手腳腳好似唔係好協調咁﹐大細聲又唔夠明顯﹐最抵死係彈第一次永遠都唔順﹐又錯﹐咁考試只可以 1 take 過架嘛﹐咁點死好? 仲有一個月﹐到依家都仲未搞掂﹐得一隻叫做好少少﹐都唔知點死。其實我都算懶﹐一個星期都係練得大約6個鐘左右﹐ 我都知唔夠架啦! 平均一隻歌先練得嗰一個鐘﹐sigh... 鬼叫自已資質唔夠咩﹐之前唔駛返工都好 d, 依家有時放工之後都仲要練﹐真係想死。一路練嗰陣﹐我都有種上咗賊船嘅感覺﹐但無奈隻賊船已經起行﹐我又唔甘心跳海﹐咁惟有繼續啦! 不過都幾 challenging 嘅﹐如果合格嘅話﹐我都會好開心﹐如果唔係﹐我驚 Miss 會檗死我...

 

另外仲有2隻歌 for Janurary band show﹐初初 miss 俾份譜我﹐我話冇野嘅, 得 d chord, 冇音符架喎﹐冇音符我唔識彈架喎﹐佢話就咁就得架啦! o下? 你話得就得啦! 有一隻﹐我試過聽隻歌想執返 d 音出黎﹐奈何我資質差﹐聽極都聽唔到﹐如果我天生就係 perfect pitch, 你話幾好呢! Miss 話佢地都唔會跟足隻 original 去執喎﹐遲 d weekend 又要同其他人夾﹐ 人地都唔知會唔會嫌我蠢添﹐sigh... 又上咗第二隻賊船添...今次仲死﹐萬一有咩事﹐唔只 Miss 檗死我﹐其他人都會檗死我!  

 

好彩之前冇報到 Japanese/Mandarin 啫﹐唔係真係跳樓都唔得掂。

 

黑仔日

今日都唔知係咪破日, 諸事不順...

 

尋晚隻眼開始有d "gip", 今朝依然唔係好舒服, 帶咗 con 返到公司都頂唔順要換眼鏡, 係人都知我帶眼鏡個樣有幾 "du", 勁樣衰... 好彩放工個陣帶得翻 con 啫...

 

一早就唔記得帶電話... 不過是但啦! 反正都冇人搵我.

 

放工因為未夠鐘上堂,咪周圍逛囉! 逛咗粒幾鐘都唔發覺漏咗個銀包係公司, 直到我想買魚蛋食... 又要由times square 行返過去 sogo 嗰邊, sigh... 唔通我今日真係咁心神彷彿?  乜鬼野都漏晒...

 

係行返去攞 wallet 嘅途中, 有個 sales 走埋黎想俾d 野我, 佢同我講: "我俾d 野你呀! 你唔好咁唔開心啦!"

oh! my god... 人地岩岩諗緊 d 唔開心嘅野嘛! 乜我個樣真係show 晒俾人睇我好唔開心咩!  

UW Gathering

Date: Nov 4th

 

Venue: CEO Neway

 

Participants: Grace + Dennis, Edna + Wai, David + Theresa, Tony, Rex, Wilson, Me

 

 

尋晚原本諗住去 Pi, 點知個 friend 唔記得咗幫我 book 枱, 去到樓下先話冇我個名喎, 真係俾佢激死... 結果我地一行 10 人又去返我地嘅老地方 - CEO Neway 囉! 真掃興... 原本諗住去LKF 架嘛，　點知又係Karaoke... 我幾乎俾人殺死咁濟... 個個都叫我同嗰個friend 絕交喎！　sigh... 真係俾佢玩死！　

 

有新喜訊:

1) 有人就黎做爸爸... 聽說是意外...

2) 有人就黎補擺喜酒...

 

其他人就冇乜特別，話結婚嘅講咗成年都仲未定到時間，地點，人物就應該定咗啦啩...

Single 嘅繼續 Single...

Married 嘅繼續 Married

Married + kid 嘅繼續 Married + kid...

 

 

Japanese Dinner @Ise

今日"晏就" 俾個 friend 激親, 加上 long weekend 又好似冇咩節目, 心情都唔係好靚...  原本諗住 choir 完就返屋企, 後來見幾個 friend 好似等埋我食飯, 心諗都好過返屋企發毛, 結果又一仆一碌咁由佐敦過返銅鑼灣...

 

"伊勢" 係我近期發現嘅日本餐廳,據聞都開咗好耐,以前係皇室堡,依家搬咗去利舞臺, 上次同個 friend 去食 set dinner, 都好正, 今次呢個 friend 鍾意唔跟 menu 落 order, 話要考o下間餐廳嘅水準喎...

 

結果我就試咗好多新野, 不過都好好味...

見住一碟碟野係咁上﹐當堂開心返晒...

 

Tonite Menu:

1. 劍魚 + 半條秋刀魚 sashimi

2. 左口魚

3. 上面﹕沙甸魚 sushi; 下面﹕另外半條秋刀魚 sushi

4. Ikura + Uri + Tuna sushi

5. Fatty Tuna

6. 沙甸魚嘅骨

7. 劍魚同秋刀魚嘅骨

8. Wasabi 牛柳

9. 金菇炒烏冬

10. 綠茶+柚子雪糕 (No Pic)

又開始肥啦!

hehe... 冇野做, 奉旨 hea 緊﹐update 下個 blog 先...

 

唔覺唔覺﹐返咗工都成個月有多﹐就係咁﹐日日食 full lunch, 坐足7粒鐘﹐個肥美嘅脾脾同 pat pat 又開始走返出黎。著牛仔褲嘅時候﹐個脾脾位有種迫爆嘅感覺, d 肉唧晒出黎﹐好死肉酸﹐另一條褲呢﹐過 hip 位過陣有d困難, 加上有個肚腩仔... 心知不妙...

 

次次一開始肥﹐嚮警報一定係呢種迫爆牛仔褲嘅感覺。但係上磅睇﹐空肚都係 90lbs...都唔知點解會咁...  but anyway, 都係時候節制下﹐所以依家食 lunch 都會提自己﹐唔好食晒 d 野...同埋的起心肝﹐每晚臨瞓都係咁二做下sit up﹐30下先啦! 都好辛苦下﹐做到死下死下... 但係做咗兩日咁多﹐呢兩晚都唔記得咗添...   脾脾位真係好難減架...

Annual Dinner

Date  : Oct 18, 2006

Venue: 帝京酒店 (Royal Plaza)

Fee   : $320

 

尋晚去咗中學個 Annual Dinner﹐今次係咁多年黎第一次出席呢類咁嘅活動。都係個 friend push 我去﹐我先去﹐話晒今年都係我地 grad 咗之後嘅 15th Anniversary。我諗下年再去嘅時候﹐都係 call 多 d d 同班嘅同學仔去好 d。雖然我地個屆有成 30 人出席﹐但大部份都係隔離班 d 同學仔﹐認得不過唔識﹐個樣同細個時一鬼樣﹐吋到爆。

 

開始時﹐choir member suppose 要上台唱 school hymn﹐我就側側膊冇上去﹐好似好衰咁﹐下年再去都係乖乖地上去先...feel so guilty...

 

Headmistress 話學校要重建﹐要搬去深水埗唔知邊度 3 年呀! So sad...that means 好多 bldg 都會拆晒﹐以後想懷緬下都冇機會。新起個 d bldg 又鬼死咁肉酸﹐一d 特色都冇﹐好似 d 政府樓咁... 其實呢十幾年都已經拆咗好多。好似以前我地 F.1 去捉蝸牛既後花園已經變咗憧 bldg﹐ gym 又重建咗。遲d 連 swimming pool 都好似想搬上新起 bldg 既頂。Mm... 好唔捨得...

aiya... 我諗好快就會收到捐錢信!

 

每一個 year 都會上去影張相﹐最老嗰年好似係 1940 年﹐有 2 個﹐計一計兩個師姐婆婆都有 83 歲! wow.... 唔知我有冇咁長命呢!

 

Lucky Draw 冇我份。不過買咗隻 bear $100... 毛巾都係 $100﹐下次先啦! 

 

 

黃大仙

今日同個 friend 去咗黃大仙﹐求咗3枝簽﹐一枝係問轉行﹐一枝係問幾時揾到長工﹐另一枝係問姻緣。

 

首先講下工作簽先啦! 轉行個枝下下簽。Sigh.. 咁即係話冇乜機會啦! 但又話農曆11月先有機會喎﹐咁即係點呢?! 再加埋揾工個枝﹐佢話如果做返原來個 d﹐ 就農曆 9月﹐10月就有機會喎! 仲要係咩有人退休呀! 走呀! 仲要人幫呀咁! 聽到呢度都已經冇晒心機。

 

跟住到姻緣簽喎! 佢話下下簽喎! 其實都冇乜咁特別﹐皆因我十幾年黎﹐無論有拖拍同冇拖拍﹐年年都係下下簽﹐反而今年年頭俾枝上/吉嘅簽我﹐有 d 奇怪﹐心諗唔通轉運?? 原來都唔係嘅。跟住個解簽又話我應該係夏天個陣會有個架...  又話我嘅運開始弱喎! 叫我逢農曆十五去"結緣"﹐即係揾佢寫到符然後去拜﹐要連續拜3個月﹐就算你係嗰3個月內溝到仔﹐都唔可以俾佢停﹐要拜足3個月。又或者去拜下姻緣石﹐我心諗唔係咁 PK 呀! 講到我好似好可憐咁...

 

可能我個樣有 d 變﹐佢話我唔信佢﹐其實都唔係唔信佢嘅﹐我當時只係諗緊﹐eee... 3個月﹐又要限住時晨﹐咁q 麻煩!  大家都知我有幾懶架啦! 仲話要咩 11am 之後﹐1pm 之前﹐星期日﹐同周公 social 緊架麻﹐就算有心做呢樣野﹐都要諗過先啦!

 

真係奇怪﹐d 人個個都唔俾人諗下先嘅﹐人地一諗就話人地唔信佢﹐上次賣 sunglasses 嗰個又係咁﹐呢個又係咁...