鴨毛公司

唔覺唔覺, 返咗鴨毛公司都有3個幾4個月, 兜兜轉轉, 又返黎呢個名牌圈, 又係做返 reports, 不過今次都好少少, 叫做掂下 P/L , 終於有少少覺得自己係同 finance 有d 啦 lung...

呢度環境都算唔錯, 不過 office location 就超級衰, 係正灣仔海邊, 離 MTR Station 鬼死咁遠, 日日來回行成 30 mins, 真係要同高踭鞋 say goodbye... 惟一嘅好處就係因為夠遠, 有得拍拍 mtr 嘅慳 $2 優惠站, 但如果要約人食 lunch 又或者去第度呢, 都好方便, 樓下有個 Taxi Stand , 揮揮手有 Taxi , 咁就冇事慳兩蚊, 有事餵的士, 所以都係冇錢淨, 分分鐘仲駛突添...

雖然日日行咁多路, 又唔見佢瘦喎, 仲好似越黎越肥, 個肚腩就越黎越大...大佬日日唔係話我腳粗, 就係話叫我睇下個肥肚腩... 成日話自己十幾廿年都 keep 住個磅數, 冇乜升幅, 唔肥喎, 咁代表 d 乜, 佢咁矮, 有咁嘅磅數就已經係肥啦!

又再同北角靚女做同事, 唔錯唔錯, 起碼冇咁悶, 起碼 lunch 都有隻飯腳, 佢仲介紹咗樓下肥婆 d 燒賣過我, 等我日日要同魔鬼搏鬥...

同其他同事呢, 都係冇乜兩句, 唔知係人老咗定係自從同賤 Jason 共事 1.5 years 訓練出黎, 好懶去 social 又或者討好某 d 人, or 埋堆之類... 只要有得上網同 msn, 基本上就算全日冇人同我講野, 我都冇乜問題... 不過好彩仲有放緊產假嘅煙灰媽媽 and 同我同日 on board 嘅短裙仔秘書妹妹... 至於一向同我比較傾得埋嘅 IT 人, 呢度嘅 IT 人真係頂唔浦, 都唔知佢係真傻定假傻, 真係好想佢...

迷你發達窿

得唔得意呢... 新出嘅發達窿呀.. 買咗啦!!! $68

個日行過 7 仔, 先知原來出咗迷你版, 點解周圍都唔見有 ad 嘅... 一出已經 sold out 啦! 隔咗幾日問佢幾時返貨, 佢話 9pm, 11pm 落去, 又 sold out?? 又冇搞錯, 駛唔駛咁快呀... 結果係美孚行到第4間7仔先買到...

懶 + 死機 + NDS

唔覺唔覺, 原來有成兩個幾月冇 update 過個 blog... 真係懶到爆...

其實事源我部 laptop 個 harddisk 死咗, 換咗個新 harddisk, 兩個星期後又再死過, 自己整下整下, 差d 連harddisk 後面d 針都俾我整斷埋, 扮晒野拎返去間舖頭度換過個部, 結果都係要等 LV IT 舊同事出手, 好似話條 512 RAM 死咗, 雖然到依家我都仲未攞返部機, 不過都講聲唔該晒先... 尢其是石硤尾賓仔, 幫我救返d data, otherwise, 唔見晒d 相, 我就真係喊死咗...黎黎黎, 有份幫我整機嘅, 快d 報名, 食飯我嘅...

再加上我買咗部 NDS ($1540 - NDS + R4 +1G Card + Hard Case + Screen Protector), 依家夜晚除咗睇電視之外, 就係打機, 連 msn 都冇乜點上... arrr... 我買咗部粉藍色, 不過有 d 後悔, 睇睇吓粉紅色都幾靚呀, 又平... sigh..