我返來o羅....

o岩o岩尋晚去完4日3夜o既 ski trip...真係 full 4日3夜o架! 早機去 (1/28 2:25am departed) 晚機返 (2/1 00:50am arrived).

 

其實我地今次去o既地方叫栂池﹐屬於長野縣﹐真正o既 location 我都唔係好清楚﹐如果唔係跟佢地o黎滑雪﹐我諗呢世都唔會踏足呢d鄉下地方﹐所以我都覺得今次個 trip 好特別。雖然好貴又好肉痛﹐但又覺得值得。

 

今次係我去過o既第4個 ski 場﹐好適合 beginner玩﹐因為個 beginner slope 實在太平﹐又超級闊﹐打橫打掂都一定唔會碌落山﹐對於第一次玩o既 beginner o黎講﹐起碼唔會嚇親。

 

呢幾日o既行程如下﹕

Day 1:

0700 Arrived Tokyo Narita Airport

 

0830 - 1530 坐車 ahead to Ski 場

我一上車就"訓"﹐除左停站﹐基本上我都冇乜醒過...zzzzz

放低行李之後﹐就去租 skis... sigh... 我地去左一間好遠o既 rental shop 到幫襯﹐真係老襯啦! 托住 d skis,著住對 boots﹐仲要拎返自己對鞋行返民宿﹐wa... 真係想死...之後就係個山腳到 warm up 左一陣..After Dinner, 我地就去左浸溫泉﹐跟住就返民宿"交交豬”

 

 

Day 2:

由於實在太累啦! 當我"訓醒o個一刻﹐我都唔知自己係邊﹐最搞笑係"訓"我隔離o個條友﹐話俾我地聽佢尋晚又痾又嘔﹐但係我同另一個 roomate 就完全乜都唔知﹐"訓"到死豬o甘...

 

朝早 9 點開始﹐係 beginner slope 到 warm up﹐食完 lunch 就上山頂﹐當然我一定係 make sure 有 beginner slope 落返o黎我先上啦! 由山頂落o黎﹐有一大段係林間小路﹐彎彎曲曲好平好易行﹐又好舒服﹐中間有幾個出口去返 d intermediate or advance slope...點知帶我行o個條友﹐以為行完條林間小路﹐出左條 intermediate﹐兩條友又懵盛盛﹐都唔知行錯左﹐以為真係得一條路落山﹐鬼o甘斜﹐o甘都要落架﹐佢係expert level﹐當然冇問題啦﹐我咪膽粗粗8字腳o甘落o羅﹐冇啦啦中間有堆雪仔﹐停唔切﹐炒左埋去﹐點知條腰抽筋﹐唯有係趴係堆雪度抖。之後起返身再落﹐望住山下面間屋﹐落極都未到﹐隻腳又痺痺地﹐個friend 叫我行埋一邊先抖﹐我都頂唔順﹐坐係路中心﹐用個 pat pat 跣埋一邊...之後落到山先知原來行左條 intermediate﹐唔怪得之o甘鬼難落啦!!! 我個 friend 仲話唔怪之得啦﹐之前o甘舒服﹐點解忽然間o甘斜喎﹐仲以為玩野添...激死!

 

玩到大約 4 點幾﹐就返民宿休息﹐After dinner of cozi is 溫泉 time 啦!

 

 

Day 3﹕

今日兵分兩路﹐班 expert 去左另一坐山叫八方尾根﹔我地班 beginner 就留係栂池。今日天氣唔好﹐d 雪好似思樂冰o甘﹐好難去﹐係個 beginner slope 度撑都唔多去。原本 after lunch 之後想上山頂﹐點知因為太大風﹐架 Gondola 都 closed 埋﹐後來我地去左條短短地o既 intermediate slope 度玩﹐我就係o個度猛練 parallel...結果? 當然都係 in between 識同唔識中間o羅....

 

之後去還 equipment﹐跟住去溫泉﹐洗完白白先返去食 dinner....After dinner, 就係附近o既 shop 仔度 shopping。。。我又買左好多 Hello Kitty 野。

 

Day 4﹕

坐車日﹐由9:30am 出發﹐中途去左輕井沢個 factory outlet 度shopping for 2 hrs﹔又係一個叫琦玉o既地方停左陣﹐我地係o個度掃左一輪小食﹐之後就到機場 lu.... 

 

原本諗住搵人 share airport express group ticket 啦! 點知俾我發現左原來其中一個 roommate 係同我住埋同一座大廈﹐真搞笑...冇啦啦識左個鄰居...

 

 

 

 

 

 

接機???

今晚又同阿媽頂o左幾句﹐佢話 (or 問)我去完旅行來接機﹐我當然即刻話唔駛啦! 痴線! 冇啦啦接乜機o者﹐你話你查架車o黎就話o者﹐兩條友搭機鐵或者巴士o黎接機喎﹐機場遊咩!

 

佢話夜喎! 我話我有時都 3am,4am 先返架啦! 有乜問題? 佢話點同呢﹐o個度遠﹐偏僻喎! 我話有幾偏僻呀! 一落機鐵去到青衣轉的士﹐10min 就返到屋企啦!

 

越講我就越孟﹐我咪話o羅﹐大佬呀! 幾十歲人﹐去完o個幾日旅行﹐阿爸阿媽來接機?? 冇o野呀! 俾朋友笑都笑到面黃啦!  

 

佢又話我態度差喎! 仲話有人關心不知幾好﹐我話唔駛啦! 多謝晒! 

我要o個 d 關心都唔係呢 d...“吉"少我兩句﹐我都不知幾開心!

 

佢仲話我可以 say it in an alternative way﹐e.g.﹕"唔駛啦! 費事你兩個 tun 來 tun 去啦!"

我咪話o羅﹐如果我o甘講﹐你實話唔緊要﹐咪當去機場行o下o羅﹐o甘我轉個頭咪又係見到你兩個係機場出現....

 

sigh... 千祈唔好俾我係機場見到佢地﹐otherwise﹐我塊面一定黑過鑊底。到時我驚我忍唔住發脾氣...

 

 

阿媽終於催我搵男朋友呀!!! hahaha....

Fri 晚﹐阿媽話喎﹐阿乜乜姑姐話﹐如果唔打算結婚o既話﹐就要 plan 定日後o既生活﹐例如買樓呀! 儲錢呀o甘....

 

Sat﹐飲茶o個陣﹐阿媽忽然話﹐你不如快 d 搵個男朋友啦! (eee???  終於開口啦!)

我答話﹕我冇話過唔搵....不過未搵到... (激死!!!)

 

心諗﹕

咩唔打算結婚就要 plan定o者... 痴線...我都冇講過話我一定唔嫁﹐又或者一定嫁﹐plan 乜Q o者....plan 定做老姑婆咩! 痴線!!!   plan 唔 plan 同結唔結婚根本是兩回事﹐錢就一定要搵架啦! 我o甘大洗﹐就算真係有機會嫁﹐我都驚佢養我唔起...但要我慳d 洗﹐又唔係好得喎。。。

 

男朋友? 有 feel o既我當然要架。最好斷打計添﹐越多越好添呀!....60歲有仔肯溝我o既﹐我都唔 mind 架o番....

 

 

 

 

2 mins Private Call

今日收到個 announcement, 雖然對於我係冇影響﹐因為 1) 我冇 trip 出; 2) 我就o黎唔做﹐所以都唔關我事。但就真係好 cheap o羅....hahaha..

 

出trip每日只可以有 2 mins private call, 可以 accumulate﹐由 date of arrival 開始計喎﹐想claim $$, 得﹐記住俾 supporting document喎!  得o個 2 mins﹐不如話 private call 冇得 claim 算啦! 乞兒咩!!!

 

最正都係個 example, 驚死你唔明﹐計多佢2分鐘$$...

 

> Dear All,
>
> With immediate effect, the Company will reimburse expenses incurred on

> private phone calls during business trip in the following manner:
>
>   2 minutes' private phone call is allowed per day from the date of
>   arrival at first destination to the date of departure from final
>   destination (both dates inclusive)
>   the minutes can be accumulated for that particular trip only and CANNOT
>   be carried forward to another trip
>   the expenses is reimbursed as incurred with supporting documents such as
>   telphone/mobile bill
>   use of phone from hotel room is not recommended as surcharges are too
>   high
>
> For example, a staff departs from HK to Milan on 1st Jan 11:00pm and
> leaves
> Milan on 7th Jan 3:00pm to HK. The maximum minutes of private phone call
> claimed = 2 mins x 6 days = 12mins
> (not 7 days because the staff arrives Milan on 2nd Jan)
>
> This supplement has been updated to the Group Travel Policy and placed in
> the Lotus Notes Document Library.
>
> Thank you for your kind attention.  Please contact us if you need further
> clarification or information.
>
> Best regards,
> Alice
> for Internal Audit Department

 

我想快 d 放假呀!!!

今晚去o左睇"藝伎回憶錄" (acted by 章子怡﹐鞏利﹐楊紫瓊)﹐原本我見到個戲名﹐已經冇乜興趣﹐加埋章子怡同楊紫瓊﹐興趣 almost 係零。如果唔係個 friend 話想睇﹐基本上我係諗都唔會諗。點知出乎我意料之外﹐都幾好睇。同上次套 "長恨歌"比﹐真係差天共地。

 

近排好唔想返工呀! 最近對緊 05年2nd half year o既數﹐2nd half year o既數 actually 係 weekly sales 個 total。我都唔明﹐點解會同 daily sales 唔拍o既。有時同 SAP 都唔夾。頭都痛埋...最 worst case 係出現 System 一個數﹐Daily 一個數﹐weekly 一個數﹐逐個 country 逐個 store 逐個 month 逐個 week 逐個 category 對同改﹐執返晒成個 AP o既數﹐想死o既感覺都不過如此....

 

另一樣最憎o既野就係執 report format﹐都唔知 d 人對眼係咩構造﹐專睇到 d 常人睇唔到o既野。尋日岩岩先執完一堆野﹐好似第一行o既第一個 week o既 Cosmetic 要 bold 翻﹔budget 個 column d Bags o既 sub-category 唔 bold...一開個 file ﹐張張 worksheet 仲要 set 左係75% 架 bor﹐個 cursor 位仲要係A1 位置架...一改又係成個 AP﹐真係一路做一路媽媽聲... 煩到爆...

 

 

FTP Server 重開啦!!!

hahaha... 係Rex協助下﹐我個 FTP Server 終於都可以重開啦!  唔該晒!!! 

 

其實1+ year ago﹐我另一個 friend 都幫我 setup 左個 FTP Server 架﹐但我由 Canada 返o黎之後﹐個 Server 就唔 work 啦﹐我一路以o黎都好想整返佢﹐但奈何姿質有限﹐點整都過唔到個 Router﹐之後就不了了之﹐試過 "ngai" 過幾個 friend 幫我整﹐但都冇人睬我...

 

hehe... 依家終於都搞點左啦... 真好。。。大家以後又可以係個 server 度 download d 歌啦! 但係﹐limit to my friends only...咪 spread 開去喎﹐我唔想做d乜乜BT女天王﹐上頭條俾人拉呀!!!

 

ftp:\\pcli.podzone.org

 

X'mas & New Year Holiday

又好耐都冇寫過 blog啦﹐原因都係得一個﹐懶之麻!

 

好...講返o下岩岩過左都有成半個月既 X'mas & New Year Holiday 先。唉! 今年連埋 d public holiday, 請3日就可以放 10 日﹐原本諗住去 5 days Palau o既﹐點知 airline 擺工﹐冇 direct flight, 結果個 trip 就係甘 cancel 左。又冇 plan B 做 backup, 就係甘﹐我成個 holiday 就 ruin o左。 o甘我就淨係放左 29, 30 囉。不過都冇乜分別。差不多成個 x'mas holiday 都係 stay at home﹐淨係去過 Sogo 逛左陣﹐同埋去過 midnite mass 囉。

阿媽唔知係咪見我悶得濟﹐都有陪我落去大家樂食下午茶o既。

 

原本諗住同阿爹媽去 Disneyland﹐點知佢地冇興趣﹐話貴喎﹐不如去澳門﹐就係o甘﹐就變左一個兩日一夜o既 Macau Trip 啦。去到 Macau, 都冇乜特別野好做。成個 trip 都淨係食食食。

 

去左 tum 仔食水蟹粥﹐跟住係咖哩魚蛋﹐因為太飽﹐所以冇食到豬扒飽。跟住去媽閣廟﹐再去議事亭﹐點知miss 左個站冇落車﹐又唔係好識路﹐結果去左關閘﹐再坐車去返議事亭﹐逛左陣就去左書仔介紹間 "九如坊" 度食葡國菜﹐個焗鴨飯真係好好味。跟住就再去左義順到甜品。

 

第二日﹐去左葡京度食牛肉茶﹐係葡京度見到 d 'kok kok" 係度行來行去搵生意﹐都幾索架。

上去賭場逛左個圈﹐好Q多大陸人。之後真係係條街度行﹐cos' 老豆話佢十幾歲時係澳門住左 3 yrs 喎。唔知佢想行去邊。之後就去左澳門博物館同大三巴。係黃枝記食左個所謂既 dinner 就返酒店 pick up 行李去碼頭 lu...

 

聽完係咪一 d 都唔 interesting 呢!  o甘事實又真係唔 interesting ma...