無賴的大佬

大佬冇問過我, dump 咗一對我非常非常鐘意既 DKNY 波鞋呀... 好心痛呀... 同埋嬲到陣...

對鞋我好鐘意架, 灰+螢光綠, 加上 d materials 又輕, 搵咗好耐都搵唔到呢種 materials, 唯一見過類似既都係公雞牌...但係冇呢隻色呢...

嬲到個晚返咗舊屋瞓, 唔想對住佢...呢幾日, 我都冇睬佢, 佢又冇睬我...

 

平時經常性搞我 d 野都算啦, 今次仲離譜到未問過我就 dump 咗我 d 野, 仲要大大聲鬧返你轉頭, 話對鞋穿咗個窿呀麻, 咪 dump 咗佢囉, 唔滿意去法庭告我囉... 正一無賴黎架...又話自己幾咁偉大, 免費同我做野, 執野, 喂, 我都冇叫佢幫我執, 我淨係叫佢唔好搞我 d 野呀!!!! 又話自己冇我讀咁多書, 又話我冇俾錢佢, 又話我對人地個阿媽好, auntie 前 auntie 後, 又話我耐唔耐就搵d 野黎嘈, 我話梗係啦, 次次都係因為佢搞我 d 野呀麻...佢話我一定係提早更年期喎... 佢根本就唔知咩叫做尊重, 我話我有冇冇問過你, dump 你 d 野, 或者搞你d野呀, 佢話我點會呀, 我都唔理野, 唔關心佢地... 都痴拿線, 關心人就要 dump 人 d 野架啦...dump 咗人 d 野未問過人仲理直氣壯東拉西扯去鬧人, 唔係無賴係咩...一d 悔意都冇, 佢根本就唔知個問題係邊...

 

次次執完我 d 野, 我次次都搵唔返, 問佢拎咗去邊, 永遠都答"唔知", 喂, 你執完人地 d 野,你都話俾人知放咗去邊呀... 仲要鬧返你轉頭你自己d 野亂咁放... 喂, 我亂放啫, 但係我搵得返呀麻... 你執咗去, 我點知去咗邊度搵先得架...

 

二佬都唔好得去邊, 一樣係無賴, 佢都好 support 大佬架, 經常一唱一和, 有次唔知嘈咩, 話我係負累喎, 一d 貢獻都冇, 我咪頂返佢囉, 負累你又生我, 又冇人叫你生既, 大佬聽到即刻收聲... 係呀麻, 咁唔滿意, 當初咪生呀...

 

我幾時先有錢可以搬出黎自己住呀... 我只係想一個人淸淸淨淨, 安安樂樂咋...

 

Typhoon 黑格比

今年typhoon 特別多, 繼上次鸚鵡罕有既 T9 之後, 今次黑格比都黎個 T8, 但係就冇上次咁好彩, 有全日假放, 今次成6pm 先掛, 不過4pm 一收到消息, 即刻雞咁腳離開公司.

 

有咗上次既恐怖經歷, , 今次我打死都唔會再坐 MTR, 今次我坐 ferry 過 TST, 點知等咗好耐都冇 taxi ,差唔多行晒成條 canton road, 雨又越黎越大, 後來行返去 1 Peking Road, 有 Taxi 都要加 $30, call taxi 又冇 taxi, 又唔想去搭 MTR, 實上唔到車啦... 嬲得濟上咗小巴去 Elements, 揾個 friend 坐咗陣搭東涌線返屋企...

 

諗起都好好笑, 依家一有消息話有機會打風, 同事朋友間立刻互通風暴消息, 上次鸚鵡襲港, 之前一日已經收到 d 唔知朋友既朋友既朋友由機場呀, 船公司發出既 "可靠消息", 好似幾點掛8號, 幾點掛 9號, 冇他既, 大家都係普通既打工仔對於一天extra holiday 既渴求啫... 希望今年再多一兩日呢d 假期就好啦... 我好唔想返工呀!!!

 

 

中秋節又黎啦...

今日都係中秋節, 不過係 2008 年既中秋節...

 

距離我對上一次update 個 blog, 已經係一年前既事... 等我係咁易將我呢一年發生既事, 做個 summary 先...

 

School Life

由舊年9月開始, 開始咗為期兩年既 MBA course, 冇錯, 我係唔鍾意讀書, 不過總覺得有 d 野, 係一定要做, 再老 d 就唔會做, 係冇心插柳既情形底下, 報咗 poly, 佢又收咗, 咁咪讀囉...

頭一個 term, 好忙, 唔係因為要返學 (hehe... as usual, 我當然有 skip 堂啦...), 而係 group meeting, 我又唔想返學, 但係放咗學又要同同學仔 group meeting, 結果我一係去咗行街, 一係去食飯, 跟住先返 campus meet 佢地, 結果都係成 10pm, 11pm 先返到屋企, Sat 又要返, 咩時間都冇晒...加埋 midterm, quiz, project, final exam... 一路忙到 12月, 之後仲有 workshop 要上, 跟住又another term....

 

不過個過程都幾開心既, 識到一班飲飲食食既朋友, 尢其是 2nd term 個 d group member, 次次meeting 前都去李嘉誠樓14/F 飲茶, 食燒鵝, 食仲多過做...

 

Music Life

舊年年頭, 已經決定完成埋我一路都未完成既事, 就係個 Piano Grade 8 Exam...每次人地問起, 你考到幾多級呀, "7"... 始終覺得差一點點, 就算 pass 咗個 Rockschool performace, 都總覺得唔完美, 既然差個一級, 就不如的起心肝完成埋佢啦... 好好彩, passed... 雖然差4分先攞到 merit, 不過已經好開心, 因為我  d oral 同 sight reading 肥晒, 都有咁既成績, 都算係咁啦...

 

除咗 as usual 一年一度既 choir concert, 今年仲應承咗 teacher 去佢私人搞既 student concert, 第一次一個人上臺彈, 好驚, 隻小腿不受控咁震, 真係手又震, 腳又震, 結果梗係彈到錯鬼晒, 好似跳線咁, 到依家我都唔敢睇返隻碟, 好彩冇叫人去睇啫...

 

4月仲有一個 band concert, 咁岩係 poly 個賽馬會 hall 搞, OB presentation 完, 即刻過去等 rehearsal, 今年淨係夾一隻 "紅綠燈"... arr... 今年嘉賓有謝安琪,關楚燿同萱寧....

 

 

Work Life

唔開心, 份工原本都 ok 既, 係有時要受下星加坡未結婚工作狂女老板既氣, 但自從10月起, 佢話個 dept 要 restructure, 請咗個冇料到+吹水怪 "A 賤人"返黎, 仲要我地 report 俾佢, 條友仔最鍾意篤背脊, 吹水冇料到, ...d 數有問題第一句永遠係 "係咪 exchange rate 既問題呀?", 個 Gross Profit 有問題就話 "可能係 discount 既問題"...stock 有問題就係 "stock depreciation"... 對我黎講, 佢係繼 Jason 之後, 我 work life 上面既一個污點....雖然今年淨返3個月, 我希望我可以走到....呢啖氣, 知我性格既人都知我一定吞唔落!

 

 

Home Life

搬咗屋, 之前當然係忙裝修啦.. 好唔捨得我由出世住到大既屋呀....

arrr... 係11月個陣, 屋企樓下火燭呀...

 

 

Travel Life 

12/2007 - San Francisco & LA

04/2008 - Japan Osaka & Tokyo

 

 

Personal Life

7月頭入咗廠, 做咗手術, 放咗3個星期 sick leave...

 

 

Love Life

Still Empty...

 

New Hair Style

 

今日係中秋節, 放3pm, 去咗CWB 同舊公司班癲佬部同事食飯, 返到公司都兩點幾, 坐多陣就執野走人...

 

arrrr... 今年收咗隻白兔燈籠, 靚呢, Cova 架, thank you 北角靚女...

之後去咗剪頭髮(原本打算), 結果係髮型師嘅"游稅"下, 電luen 咗...

 

我覺自己係一件衫囉!

唔知洗完頭係咪仲係咁嘅樣呢... 定係成隻鬆老狗咁呢...

Typhoon 柏布

原本諗住 Thurs 朝會掛8號風球, 唔駛返工, 點知一早起身開電視 , chiu... 得3號, 十萬個唔願意去洗面刷牙換衫返工...

 

點知今日個風會咁抵死, 走咗都會返轉頭... 今日食lunch 個陣, 北角靚女收到風話3:30pm 掛8號, 即刻拿拿林返公司準備走人, 但係公司近排 office renovation,  phase 3 今日要清埋個櫃, 結果搞到成 3:30pm先走得... 撞鬼囉... MTR 多人到呢... 係條橋到已經開始塞人...

落到去, 仲驚...

去到金鐘, 更驚...

好熱呀! 焗 sauna 都未試過出咁多汗, 係feel 到d 汗係一粒粒咁流出黎....

我原本想去中環轉車, 點知要人地係金鐘落晒, 就係咁 stuck 咗係到大半粒鐘, 每次只係行前兩步, 後來前面有人要走出黎, 拿拿林跟住行, 上一層去中環再坐返轉頭... chiu... 樓上月台都冇人... 再經過金鐘既時候, hehe... 你班傻人, 慢慢等啦...

結果都成5:30pm 先返到屋企... 冇著數...

下次8號風球呀, 黑雨呀, 我打死都唔會再坐 MTR, 我會搭船過 TST 再轉 Taxi ...

 

書展 2007

一年一度嘅書展又黎啦! 今年比舊年買多咗好多書呀! 買完之後又有 d 肉痛...  

黎緊呢年, 我都唔買書架啦!

 

1. 150cm Life(3) - 高木直子

2. 我的低能之道 - 馬仔

3. 你總有愛我的一天 - 張小嫻

4. 我終究是愛你的 - 張小嫻

5. 戀愛的男人最單純 - 阿寬

6. 心性情書 - 紀淳醫生

7. 我是不是屬於你的那 顆星星- 梁芷珊

8. 100 個有生之年必須擁 有的愛情感覺 - 梁芷珊

9. 在你口中, 我茫然失措 - 渡邊彌生

10. 自慢 - 何飛鵬

11. 古典音樂圖解 - 森本真由美

12. 蘇民峰玄學錦囊風水天書 - 蘇民峰

13. 蘇民峰家宅風水基本法 - 蘇民峰

14. 蘇民峰家觀相知人 - 蘇民峰

 

冤家路窄

冤家呢家野, 真係好鬼邪... 都唔知點解, 你越唔想撞到嘅人, 就耐唔時就會撞刑...

我嘅冤家都唔算好多, 除咗撬咗我條仔嘅8婆之外, 通常都係我 d 舊老細... 又通常呢d 舊老細都唔係請我返黎, 係調返黎個 d, 即係大家都係冇權選擇底下, 被迫一齊合作.. 結果係點, 咁就梗係我炒佢啦...

係賤人名單中, 一個叫 Mark Pong, 一個叫 Jason Wong.  我話過我個仔, 我條仔都唔可以叫呢兩個名, 朋友都唔好...Jason 我大大話話都撞過佢幾次...Mark 就一次都冇... 點知, 尋日放工等 lift 個陣, 見到個好熟口面嘅人, 望下望下, eeee? Mark Pong!!!!  佢又認得我喎... 咁扮大方都要嗲幾句架, 原來佢係我對面間公司返工, 岩岩今個星期先開始返, 彩!!! 真係大吉利是, 邪到爆... 不過佢個樣俾以前叫做好咗 d, 以前個樣衰到呢, 真係想見一鑊打一鑊, 打完前面再打埋後面...

Mark Pong 係以前 EMC 嘅 Finance Manager, 條友仔係好 typical 嘅 Accounting 佬, 好似係 Audit firm 出身, 係唔係 big 4 就唔記得啦.. 個樣都係一般嘅 Accounting 樣, 一樣咁 du... 條友仔以前唔知係咪未做過大公司, 記得佢初初黎個陣, 好似係叫我對數, difference 係 USD 0.1, 叫我搵喎, 冇野呀?! USD 0.1, 我俾返你啦, 俾夠 1蚊你又點話, 唔好嘥我時間啦... 人地大公司黎架, 睇 miu miu 聲架嘛... exchange difference呀, variances 呀, 都幾千幾萬蚊美金啦... USD 0.1 喎, 痴孖筋!

原來佢住荃灣, 佢又記得我住美孚喎...心諗死啦, 同路添, 一齊搭地鐵咪阻住我打機??  落到樓下, 佢問我行邊邊, 我即刻話行下面地面, say goodbye asap!!!