斷背山 (Brokeback Mountain)

今晚同個 friend 去睇戲﹐佢話睇"斷背山" (Brokeback Mountain)﹐之後佢同個 friend 講電話﹐話冇想像中o甘好睇喎﹐sigh... 唔駛睇我都想像到套戲一d 都唔好睇啦!

一開場冇耐﹐就見到 Brokeback Mt., 一大群羊﹐兩個男人﹐因為係個山到日對夜對﹐又冇女﹐終於有一日忍唔住﹐兩條麻'luc'佬搞左一次野﹐好難擴拒地又搞多次野﹐之後就好開心o甘係山度過左一段日子﹐離開左個山之後﹐各自結婚生子﹐四年後再遇﹐仍慾斷難斷﹐以釣魚為名﹐兩條友每年keep住相聚數次﹐有時去 motel﹐有時去 Brokeback Mt....

悶到嘔....我諗成套戲最精彩o既地方﹐就係睇o個兩個麻"luc"佬搞野。但其實買套男同性戀3級片睇可能更加精彩﹐起碼有條何B仔睇下。成套戲﹐景又唔係靚﹐女又唔係靚﹐仔又唔係靚﹐故事簡單得黎又唔浪漫﹐都唔明點解會羅獎﹐呢d 甘深奧既電影﹐真係唔識欣賞....

雙春兼潤月??

除左上次提到o個位朋友之外﹐今年應該仲有4個朋友會結婚。即是 total 有5份人情要做呀! 仲要全部都係熟的。 為什麼忽然間個個今年跑去結婚??  唔通真係雙春兼潤月既關係??

 

不過﹐諗起下年既新年﹐就好開心。忽然間多左好多利是呀! hohoho....

不過唔知下年新年既時候﹐我call 呢班朋友出黎﹐會唔會冇人睬我呢??

情人節快樂!!!

haha... 係喎﹐2月14日啦喎! 

 

都成半個月冇 update 過個 blog...冇返工之後﹐每一日唔係食﹐就係"訓"﹐再唔係就係去下街街﹐relax 左足足一個星期。Resume 都未 update﹐幾時再重出江湖搵食??  快啦快啦!!

 

其實有個問題都問左自己好耐﹐想做d乜﹐又或者應該話適合做d 乜﹐但一直都搵唔到答案。For $$ only,做 Analyst 既收入都 ok ﹐但如果可以有機會睇埋 P&L﹐做埋Investment Plan 同Budget就好d﹐但如果好似我岩岩份工o甘﹐only sales reports﹐真係悶到爆...因為 sales report 我都做左好耐啦! 做到有d 想嘔o既感覺...同埋每一日都係對住部機 draw data﹐真係好悶...

 

自問又唔係一個好 social 好多野講既人﹐o甘究竟我適唔適合做d對人既工作呢?!  但齋對機唔對人﹐我又頂唔順.... 如果有人可以話俾我知﹐就好啦!!!

 

hehe... 不過我真無好唔想打工﹐但又仲未諗到可以搞d 乜﹐最衰係 networking 唔夠 strong...

雖然自己出黎搞一定辛苦過打工﹐但點都係自己既野﹐辛苦d都值得呀!!!

 

呀! Yesterday, 知道左有個 friend 又就快結婚﹐都凳佢開心。2年前﹐睇住佢地由所謂既醞讓開始 (有神秘人接機)﹐到有異性冇人性﹐再到神秘人終於曝光﹐到宣怖喜訊。。。。整個過程都順順利利﹐真係恭喜恭喜!!!..

我返來o羅....

o岩o岩尋晚去完4日3夜o既 ski trip...真係 full 4日3夜o架! 早機去 (1/28 2:25am departed) 晚機返 (2/1 00:50am arrived).

 

其實我地今次去o既地方叫栂池﹐屬於長野縣﹐真正o既 location 我都唔係好清楚﹐如果唔係跟佢地o黎滑雪﹐我諗呢世都唔會踏足呢d鄉下地方﹐所以我都覺得今次個 trip 好特別。雖然好貴又好肉痛﹐但又覺得值得。

 

今次係我去過o既第4個 ski 場﹐好適合 beginner玩﹐因為個 beginner slope 實在太平﹐又超級闊﹐打橫打掂都一定唔會碌落山﹐對於第一次玩o既 beginner o黎講﹐起碼唔會嚇親。

 

呢幾日o既行程如下﹕

Day 1:

0700 Arrived Tokyo Narita Airport

 

0830 - 1530 坐車 ahead to Ski 場

我一上車就"訓"﹐除左停站﹐基本上我都冇乜醒過...zzzzz

放低行李之後﹐就去租 skis... sigh... 我地去左一間好遠o既 rental shop 到幫襯﹐真係老襯啦! 托住 d skis,著住對 boots﹐仲要拎返自己對鞋行返民宿﹐wa... 真係想死...之後就係個山腳到 warm up 左一陣..After Dinner, 我地就去左浸溫泉﹐跟住就返民宿"交交豬”

 

 

Day 2:

由於實在太累啦! 當我"訓醒o個一刻﹐我都唔知自己係邊﹐最搞笑係"訓"我隔離o個條友﹐話俾我地聽佢尋晚又痾又嘔﹐但係我同另一個 roomate 就完全乜都唔知﹐"訓"到死豬o甘...

 

朝早 9 點開始﹐係 beginner slope 到 warm up﹐食完 lunch 就上山頂﹐當然我一定係 make sure 有 beginner slope 落返o黎我先上啦! 由山頂落o黎﹐有一大段係林間小路﹐彎彎曲曲好平好易行﹐又好舒服﹐中間有幾個出口去返 d intermediate or advance slope...點知帶我行o個條友﹐以為行完條林間小路﹐出左條 intermediate﹐兩條友又懵盛盛﹐都唔知行錯左﹐以為真係得一條路落山﹐鬼o甘斜﹐o甘都要落架﹐佢係expert level﹐當然冇問題啦﹐我咪膽粗粗8字腳o甘落o羅﹐冇啦啦中間有堆雪仔﹐停唔切﹐炒左埋去﹐點知條腰抽筋﹐唯有係趴係堆雪度抖。之後起返身再落﹐望住山下面間屋﹐落極都未到﹐隻腳又痺痺地﹐個friend 叫我行埋一邊先抖﹐我都頂唔順﹐坐係路中心﹐用個 pat pat 跣埋一邊...之後落到山先知原來行左條 intermediate﹐唔怪得之o甘鬼難落啦!!! 我個 friend 仲話唔怪之得啦﹐之前o甘舒服﹐點解忽然間o甘斜喎﹐仲以為玩野添...激死!

 

玩到大約 4 點幾﹐就返民宿休息﹐After dinner of cozi is 溫泉 time 啦!

 

 

Day 3﹕

今日兵分兩路﹐班 expert 去左另一坐山叫八方尾根﹔我地班 beginner 就留係栂池。今日天氣唔好﹐d 雪好似思樂冰o甘﹐好難去﹐係個 beginner slope 度撑都唔多去。原本 after lunch 之後想上山頂﹐點知因為太大風﹐架 Gondola 都 closed 埋﹐後來我地去左條短短地o既 intermediate slope 度玩﹐我就係o個度猛練 parallel...結果? 當然都係 in between 識同唔識中間o羅....

 

之後去還 equipment﹐跟住去溫泉﹐洗完白白先返去食 dinner....After dinner, 就係附近o既 shop 仔度 shopping。。。我又買左好多 Hello Kitty 野。

 

Day 4﹕

坐車日﹐由9:30am 出發﹐中途去左輕井沢個 factory outlet 度shopping for 2 hrs﹔又係一個叫琦玉o既地方停左陣﹐我地係o個度掃左一輪小食﹐之後就到機場 lu.... 

 

原本諗住搵人 share airport express group ticket 啦! 點知俾我發現左原來其中一個 roommate 係同我住埋同一座大廈﹐真搞笑...冇啦啦識左個鄰居...

 

 

 

 

 

 

接機???

今晚又同阿媽頂o左幾句﹐佢話 (or 問)我去完旅行來接機﹐我當然即刻話唔駛啦! 痴線! 冇啦啦接乜機o者﹐你話你查架車o黎就話o者﹐兩條友搭機鐵或者巴士o黎接機喎﹐機場遊咩!

 

佢話夜喎! 我話我有時都 3am,4am 先返架啦! 有乜問題? 佢話點同呢﹐o個度遠﹐偏僻喎! 我話有幾偏僻呀! 一落機鐵去到青衣轉的士﹐10min 就返到屋企啦!

 

越講我就越孟﹐我咪話o羅﹐大佬呀! 幾十歲人﹐去完o個幾日旅行﹐阿爸阿媽來接機?? 冇o野呀! 俾朋友笑都笑到面黃啦!  

 

佢又話我態度差喎! 仲話有人關心不知幾好﹐我話唔駛啦! 多謝晒! 

我要o個 d 關心都唔係呢 d...“吉"少我兩句﹐我都不知幾開心!

 

佢仲話我可以 say it in an alternative way﹐e.g.﹕"唔駛啦! 費事你兩個 tun 來 tun 去啦!"

我咪話o羅﹐如果我o甘講﹐你實話唔緊要﹐咪當去機場行o下o羅﹐o甘我轉個頭咪又係見到你兩個係機場出現....

 

sigh... 千祈唔好俾我係機場見到佢地﹐otherwise﹐我塊面一定黑過鑊底。到時我驚我忍唔住發脾氣...

 

 

阿媽終於催我搵男朋友呀!!! hahaha....

Fri 晚﹐阿媽話喎﹐阿乜乜姑姐話﹐如果唔打算結婚o既話﹐就要 plan 定日後o既生活﹐例如買樓呀! 儲錢呀o甘....

 

Sat﹐飲茶o個陣﹐阿媽忽然話﹐你不如快 d 搵個男朋友啦! (eee???  終於開口啦!)

我答話﹕我冇話過唔搵....不過未搵到... (激死!!!)

 

心諗﹕

咩唔打算結婚就要 plan定o者... 痴線...我都冇講過話我一定唔嫁﹐又或者一定嫁﹐plan 乜Q o者....plan 定做老姑婆咩! 痴線!!!   plan 唔 plan 同結唔結婚根本是兩回事﹐錢就一定要搵架啦! 我o甘大洗﹐就算真係有機會嫁﹐我都驚佢養我唔起...但要我慳d 洗﹐又唔係好得喎。。。

 

男朋友? 有 feel o既我當然要架。最好斷打計添﹐越多越好添呀!....60歲有仔肯溝我o既﹐我都唔 mind 架o番....

 

 

 

 

2 mins Private Call

今日收到個 announcement, 雖然對於我係冇影響﹐因為 1) 我冇 trip 出; 2) 我就o黎唔做﹐所以都唔關我事。但就真係好 cheap o羅....hahaha..

 

出trip每日只可以有 2 mins private call, 可以 accumulate﹐由 date of arrival 開始計喎﹐想claim $$, 得﹐記住俾 supporting document喎!  得o個 2 mins﹐不如話 private call 冇得 claim 算啦! 乞兒咩!!!

 

最正都係個 example, 驚死你唔明﹐計多佢2分鐘$$...

 

> Dear All,
>
> With immediate effect, the Company will reimburse expenses incurred on

> private phone calls during business trip in the following manner:
>
>   2 minutes' private phone call is allowed per day from the date of
>   arrival at first destination to the date of departure from final
>   destination (both dates inclusive)
>   the minutes can be accumulated for that particular trip only and CANNOT
>   be carried forward to another trip
>   the expenses is reimbursed as incurred with supporting documents such as
>   telphone/mobile bill
>   use of phone from hotel room is not recommended as surcharges are too
>   high
>
> For example, a staff departs from HK to Milan on 1st Jan 11:00pm and
> leaves
> Milan on 7th Jan 3:00pm to HK. The maximum minutes of private phone call
> claimed = 2 mins x 6 days = 12mins
> (not 7 days because the staff arrives Milan on 2nd Jan)
>
> This supplement has been updated to the Group Travel Policy and placed in
> the Lotus Notes Document Library.
>
> Thank you for your kind attention.  Please contact us if you need further
> clarification or information.
>
> Best regards,
> Alice
> for Internal Audit Department