唔開心呀! :(

sigh... o岩 o岩同阿媽講完電話﹐仲駛問咩﹐梗係又開片啦! 都唔明點解﹐總係要令到人唔開心先安樂!

 

今次因為唔係因為張 Mattress﹐今次論到我 d 公仔。佢一向都對我 d 公仔唔順超﹐唔係話佢地有"塵蟎"﹐就係話佢地污穢。我有 d 公仔係 double 左兩隻o既﹐佢話 double 左o個 d 唔好要﹐我話唔得﹐佢話 pack 返黎要 $$, 喂! 嘥得你幾多 $$ 呀! 俾返你囉! 又唔得﹐跟住就越扯越遠﹐對話如下﹕

 

Mum: 我知﹐你 d 公仔係一男一女呀嘛!

 

我﹕咩一男一女呀!

 

Mum: 唔係咩! 都唔知有 d 咩特別意思係入面。

 

我 : 有咩特別意思呀!  (心諗: 有冇都唔關你事啦! )

 

Mum﹕ 唔係咩! 你o個隻彩仔呀! 當寶o甘呀! 唔係有特別意思呀!

 

Mum : 你張 mattress 呀! 係咪放去 Flora 度呀! 你自己搞掂佢呀! 我唔會同佢地有咩‘拉lun' 架﹐費事俾人地 d 屋企人黎鬧呀! 係你架咋﹐鐘意黐人地個妹﹐人地個阿媽。我唔係架﹐我永遠都記得架﹐半夜三更呀! 我地兩個幾十歲人呀! 俾個靚仔走黎鬧呀!...

 

講真呀! 就算係我 ex 有幾唔o岩﹐都唔關佢個妹﹐佢阿媽事架噃﹐佢地係三個獨立o既個體黎喎! 就算佢阿媽以前幾o甘唔鍾意我﹐o甘人地宜家對我都冇乜點﹐重幾好添﹐做人唔駛o甘小器呀!

 

 兩年前﹐有次抄大鑊﹐我咪喊住o甘同佢講囉... 你地俾人鬧﹐我個心都唔好受架﹐我都唔開心架噃﹐都分左手o甘多年囉﹐點解成日要挖返出黎講o者﹐o甘對唔住囉﹐好未呀! o甘你想我點o者! 講真﹐鬧你o個個又唔係我﹐係我條仔咋喎﹐o甘唔鬧都鬧左啦! o甘你想點先得架! (o甘之後就再冇提起過... sigh... 又黎啦! )

 

sigh... 我可以講 d 咩好?! 都分左手8年啦! 人地都結埋婚啦! 點解成日要挖返出黎講o者...其實我每次聽到都好唔開心﹐發生 d o甘o既事﹐我都唔想架... 仲要係自己個阿媽成日攞出黎講... sigh... 都唔明點解我有個o甘o既阿媽... Care o下我o既感受得唔得?! 

 

我有陣時諗﹐做我 bf 可能都好辛苦﹐有個o甘o既阿媽﹐sigh... 唔好話bf 呀! 做 friend 都好難頂﹐睇怕都冇乜邊個 friend 未俾佢 critize 過 (當然佢唔識o個 d 例外啦!) 。佢話喎﹐我返 HK 之後﹐我個 friend 都唔會打電話問候下佢﹐Hello??  佢係我個 friend, 唔係你個 friend 喎! 點解人地要打俾你呢?! 我所有既朋友都係豬朋狗友﹐佢識o個 d 就真正朋友...

 

各方好友﹐如果之前 / 以後有咩難聽o既說話﹐真係 really sorry 啦! 我都好慘架! 我聽到都會唔開心架!

 

仲有﹐有冇係 Toronto 既善心人士﹐just in case 麻煩收留住我 d bears 先﹐寄返俾我﹐我會俾返郵費架! Thanks!!!