尋晚同大佬去睇新城國語力頒獎禮﹐因為有人俾飛大佬﹐二佬又唔鍾意睇﹐咁咪我去囉...
其實都幾悶﹐一來係新城嘅問題﹐完全係分豬肉派對﹐n 咁多個獎﹐淨係歌曲都唔知成二十首﹐乜乜最受歡迎男女歌手都有 n 種﹐咩全亞洲﹐全國﹐全乜全物﹔二來大家都知我 d 國語有幾好架啦! 睇 live 又冇字幕﹐都唔知佢唱緊乜﹐又唔係個個獎都有字幕打出黎﹐有時都唔知佢扮緊 d 咩獎... 有d 歌手﹐見都未見過﹐都唔知佢係乜水...
最搞笑係其中有條友叫羅志祥﹐聽都未聽過﹐但人地攞全國最受歡迎男歌手﹐仲有一大班 "艾" 到死嘅 fans, 心諗: sigh.. 慘啦! out 成咁﹐點算!!!
好似人地 d 阿婆咁﹐唔識 d 歌手啦!!! 死未...感覺很差啊!!!! 
另一個全國最受歡迎女歌手都唔知叫乜名﹐cos' 國語聽唔明﹐望下 d fans 牌﹐有個 "筆",有個 "暢", 返屋企 search 下﹐先知佢原來叫周筆暢...
另一個全國最受歡迎女歌手都唔知叫乜名﹐cos' 國語聽唔明﹐望下 d fans 牌﹐有個 "筆",有個 "暢", 返屋企 search 下﹐先知佢原來叫周筆暢...  |  | |
 |  |
6 comments:
咦, 周筆暢我又識喎, 超級女聲丫嘛, 呵呵呵~~~~
不過我唱k時都勁多新歌唔識唱 T_T 所以好怕同d後生仔女去唱k
嘩! 華子﹐勁喎! 周筆暢你都識﹐我真係聽都未聽過呀! 其實仲有 183 club, 我之前都未聽過架! 係唔係個班青蛙?
係呀係呀, 王子變青蛙呀, 不過我就唔識佢地邊個打邊個, hohoho
乜 d 台灣人咁鍾意將 d 仔一 pack pack 咁 promote gei... 上次個班 F4﹐我到依家都唔係好分得清佢地邊個打邊個。
不過我就一個都唔鍾意﹐我有個 auntie 就好鍾意﹐仲會飛去睇佢地 d concerts...
你有無睇"春田花花同學會", 裏面有個四眼齊陰嘅女仔, 咪喺周筆暢lor. 至於羅志祥, 如果有睇開台灣綜藝節目, 或者台劇, 都可能知道"小豬"羅志祥. :P
冇呀! 冇睇過"春田花花同學會"呀! 台灣節目就更加冇啦! :(
but 我 download 左周筆暢隻新碟喎! 你去我 server 攞啦!
Post a Comment