今晚約咗幾個舊同事食飯﹐呢個飯局﹐大大話話都約咗成幾個星期﹐尋日一位自稱好靚女嘅舊同事 lunch hr 話我知聽日去尖沙咀百利到打邊爐﹐ok! 下午開始 msn conference, 話去太子百利火鍋﹐我都覺得有 d 奇怪﹐點解阿靚女話係 TST, ok fine... 當佢講錯啦! 我問佢﹐"u sure ok?" cos' 佢係北角人﹐去到太子好似好遠... 佢話 no problem... 咁我都 no problem 啦! 反正 on the way home...
跟住另外柴灣肥仔已經開始反對﹐但又冇人理佢喎! 就係咁就 confirm 咗太子百利火鍋酒家。
阿鑽石山光頭仔仲好好人咁send 埋個地圖俾我地...
今朝北角靚女 msn 我話"乜唔係去尖沙咀咩? shit... 我以為去尖沙咀金百利... "
Hello?? "金百利"係銅鑼灣! 尖沙咀個間係"百利"﹐ 我地會去"百利火鍋"係太子...
No wonder 佢冇反對啦! 原來佢都冇睇清楚人地寫乜﹐ 激死! 
嘩! 個間百利火鍋﹐好似話出名喎! 但係一 d 都唔覺囉! 仲有 d 恐怖 feel 添! 
10 comments:
有機會再約過啦, 到時應該會有新既 comment.
嘩！笑死人啦。
阿鑽石山光頭仔係太子地頭虫嗎？ 點解成日都話去太子？
幾好呀. 最後仲去埋60\'s 飲酒,你都咪話唔開心.我就開心都黎唔切.
實情係果日嗰北角靚女日光日白發緊夢囉！而嗰美孚小富貴都唔弱，係msn度又十問九唔應囉！人哋鑽石山光頭仔都係一翻好意想攪個光頭飯局，問人有無提意又無人有意見，咁樣人哋咪話係翻自已主場度攪囉，我就由頭反對到尾，話晒大家既然係港島返工，無理由去太子鬼地方食飯架！亦再三私人msn問北角靚女和美孚小富貴，但換來一句比佢地吹到「啤」一聲嘅答案「無問題」，跟住嗰樂富女貓痴又話「無反對」，我孤掌難鳴啦！咪為有跟大隊囉！費事比人話我意見多多啦，點知第日嗰靚女話原來攪錯咗個地方，而嗰小富貴又話唔太想喎，又唔早啲講，都已成事實啦！真係想講句「吊梨試佛」！柴灣肥仔留字
hahaha.. 我幾時做咗美孚小富貴架?!
我見大家都冇反對囉! 我咪跟大隊囉! 反正都係 on the way home... 點知原來北角靚女發緊夢啫! 又點知佢d地理常識差到咁先得架﹐佢平時 looks like 好精明架麻!
咁我都好 appreciate 阿鑽石山光頭仔 made 既 effort... Thanks for the arrangement!
話時話﹐阿北角靚女同我講﹐話唔係黃大仙光頭仔﹐係鑽石山先啱﹐人地幾時有話係黃大仙啫! 不嬲都係話鑽石山架啦! 阿北角靚女隻眼真係有 d 事﹐都唔知睇乜! 又或者佢又發緊白日夢﹐不如唔好叫北角靚女啦! 叫北角阿夢算吧啦!
呀! 其實個光頭飯局仲有個 member, 就係石硤尾賓仔!
hahaha~ mud nay hai 美孚小富貴!!!!!
邊個係樂富女貓痴呀？樂富有隻貓痴左線咩？咁都有人知？佩服！我屋企有隻蟻都好係顛顛地，成日行來行去，要唔要採訪佢呀？
講番食飯地點，冇意見所以唔反對，「任安排」係好正常既表現，有咩問題？
要CHALLENGE，講岩左既有：(1) 認為金百利係響尖沙咀個個，(2)唔係好想但又唔出聲個個；但又講漏左個個基本上問親有咩提議都冇意見、成日講「你地諗啦，你話啦，你地攪啦」，但之後又不停發牢騷，其實有好多意見個個囉！有意見你唔早出聲？撘小巴都有話「落車請早揚聲」啦！仲有如果ｄ地方你未去過、你唔會去就叫做鬼地方既話，我諗除左九龍、新界同離島之外，呢個世界應該仲有好多鬼地方囉。
以後 Halloween 唔駛去海洋公園個“哈佬喂”啦，去九龍、新界同離島咪得囉！大把鬼通街行呀！
嘅然樂富女貓痴有回應咁我就回應多少少，對於各下對個名有微言就改咗佢囉，咁樂富大小姐又啱唔啱聽呢？而且各下作出之回應我諗妳之前並無睇過第一手回應先有咁嘅反應，北角靚女和鑽石山光頭仔最精彩嗰段已經比美孚小富貴手多多冊除咗，基本上「唔反對」同我答「你話啦」有分別咩？最後就係對於各下遲頓的反應心感遺憾！（這話題已完了兩個星期有多，算吧啦！都知妳盡咗力！明天請早！）
「唔反對」同「你話啦」一來係兩個唔同既意思，二來有先後之分囉！
「你話啦」係問意見既時後有ｄ人好鍾意比既答案；「唔反對」係有提議之後有ｄ人（例如我）歡喜既 response。
將以上兩組答案帶回主題，最明顯既分別就係之後有冇complain 囉！咁我冇囉！咁有ｄ人有囉！
以及留言與否，我唔覺得同反應敏捷或遲鈍有關喎，我睇左唔代表我一定要發言既。
唔係有人燒到我個叠，我都可能係睇左就算架喎，犯法呀？
Post a Comment