大佬冇問過我, dump 咗一對我非常非常鐘意既 DKNY 波鞋呀... 好心痛呀... 同埋嬲到陣...
對鞋我好鐘意架, 灰+螢光綠, 加上 d materials 又輕, 搵咗好耐都搵唔到呢種 materials, 唯一見過類似既都係公雞牌...但係冇呢隻色呢...
嬲到個晚返咗舊屋瞓, 唔想對住佢...呢幾日, 我都冇睬佢, 佢又冇睬我...
平時經常性搞我 d 野都算啦, 今次仲離譜到未問過我就 dump 咗我 d 野, 仲要大大聲鬧返你轉頭, 話對鞋穿咗個窿呀麻, 咪 dump 咗佢囉, 唔滿意去法庭告我囉... 正一無賴黎架...又話自己幾咁偉大, 免費同我做野, 執野, 喂, 我都冇叫佢幫我執, 我淨係叫佢唔好搞我 d 野呀!!!! 又話自己冇我讀咁多書, 又話我冇俾錢佢, 又話我對人地個阿媽好, auntie 前 auntie 後, 又話我耐唔耐就搵d 野黎嘈, 我話梗係啦, 次次都係因為佢搞我 d 野呀麻...佢話我一定係提早更年期喎... 佢根本就唔知咩叫做尊重, 我話我有冇冇問過你, dump 你 d 野, 或者搞你d野呀, 佢話我點會呀, 我都唔理野, 唔關心佢地... 都痴拿線, 關心人就要 dump 人 d 野架啦...dump 咗人 d 野未問過人仲理直氣壯東拉西扯去鬧人, 唔係無賴係咩...一d 悔意都冇, 佢根本就唔知個問題係邊...
次次執完我 d 野, 我次次都搵唔返, 問佢拎咗去邊, 永遠都答"唔知", 喂, 你執完人地 d 野,你都話俾人知放咗去邊呀... 仲要鬧返你轉頭你自己d 野亂咁放... 喂, 我亂放啫, 但係我搵得返呀麻... 你執咗去, 我點知去咗邊度搵先得架...
二佬都唔好得去邊, 一樣係無賴, 佢都好 support 大佬架, 經常一唱一和, 有次唔知嘈咩, 話我係負累喎, 一d 貢獻都冇, 我咪頂返佢囉, 負累你又生我, 又冇人叫你生既, 大佬聽到即刻收聲... 係呀麻, 咁唔滿意, 當初咪生呀...
我幾時先有錢可以搬出黎自己住呀... 我只係想一個人淸淸淨淨, 安安樂樂咋... 
11 comments:
I really understand. They are your parents. They are retired, nothing to do. The only thing they can control, make decision is inside the house. So they are happy to 搞嘢．搞這個，搞那個．It is understandable. Don\'t 勞氣啦！唯有阿Q精神，舊嘅唔去新嘅唔來．Next time someone ask you why you buy so many NEW thing, you can ask my stuff had been dumped. haha.....Good excuse to shop again and again.
妳個人亂嗰堆就係人都知，為咗對爛鬼波鞋寫blog鬧老豆老母妳都得架喇，妳老爸老媽供讀教學廿多年，真係想問一問讀番書係咪無教乜嘢叫做孝道呢？還當面換來一句「咪生我呀」！唔當場暴斃已大幸啦！妳想搬出黎自己住，咪齊tim呀！我怕妳比d雜物埋咗妳都無人知呀！死婆
Tonnochy:
你試下俾人係未經你同意之下 dump 你好鐘意既野呀... 睇怕如果個個係係老婆, 你分分鐘艾離婚添呀...dump 人野之前問過個物主, 呢
d 叫做尊重... 唔係老豆老母就大晒, 可以為所欲為... 唔係佢講埋d 野咁難聽既野都唔會咁頂佢啦... 你阿媽有冇話你"抵你生野" 呢d
咁既說話架... 人講架? 朋友都唔會啦, 何況係阿媽... 又話間屋唔係你, 好似你靠痴咁呀...
man man: 最興係佢dump 咗人d 野, 仲大枝野鬧返人轉頭... 唔嘈佢又唔係, 嘈佢又唔係, 唔嘈佢200%肯定有下次, 嘈佢雖然都冇乜太大作用, 佢都唔多理架啦... 不過唔知下次佢會dump d 乜架麻.... sigh..
咁就問吓自己有無比家用先，我諗就算有妳一定唔方多嗰隻，唔係又點會話妳無貢獻呢！妳唔執屋咪幫吓妳囉，妳唔dump嘢咪幫妳dump埋去囉，無問題吖！唔講比妳知dump咗妳都唔方記得咗有呢對爛鬼波鞋存在啦！wahahahahahaha！！！鬼叫妳係佢生架！揾個人嫁咗去囉笨！睇怕同妳相處耐咗就.....................算啦！費事吋得妳太盡，無咗妳個老朋！
Tonnochy: 我係冇比家用呀, 佢大把啦, 我自己都唔夠洗.. 我就係唔鍾意佢幫我執野, 係咪比咗錢佢可以唔搞我 d 野先, 係我幾多都俾... 咩唔記得呀, 對波鞋我都成日著架... 其實我要求好簡單咋麻, 就係唔好搞我 d 野, 你要執都得, 我問你d 野去咗邊個陣, 你要答到我, 唔可以答 "唔知" + 鬧人囉... 如果我老公未問過我 dump 我 d 野, 我都會同佢離婚...
大家做朋友真係理唔到妳家事，不過我只係想話妳知孝道係做子女責任，妳點對妳父母將來妳d仔女就點對妳，妳唔想佢哋搞妳d嘢咪自己執好d，大家都有唔啱，咪和平d 解決lor，虎毒不吃兒嘛，dump妳嘢可能真係咗定呢？唔通dump妳咩！妳話佢哋係無賴，妳流緊佢哋嘅血一樣係「無賴」！
屋企人嗌霎下梗有啦, 唔使講到不孝咁嚴重掛.....講真大家都有脾氣, 死忍爛忍都唔係辦法喎, 好易屈到生can can, 最多嗌完冷靜番再諗點解決o者
我都試過阿媽未問過我 dump 我 d 野. 不過就無你地d咁激對話. 仲試過未問過我就睇我日記潻呀! 不過嘈完咪又無事.
你可唔可以鎖房門? 唔好再比机會你大佬幫你執野呀? 咁以後咪唔駛嘈羅!
唔好咁勞氣. 諗下買邊對新波鞋把啦~
睇日記當然有啦,十幾歲個陣囉... 睇完之後仲串返你,當然冇證冇據你又唔可以一口咬定佢有睇過, 不過你從佢講既野就知道佢係睇咗啦... 唔駛問, 當然有嘈過啦...咁as usual, 佢照例唔認, 死口話冇囉... 鎖門, 我都有諗過, 不過我冇 key, 佢有囉... 同埋都冇乜用, 佢執野既範圍實在太廣啦, 有bedroom, 衫, 書房, 廳, 鞋, dvd, 錄影帶, 袋, 廁所既任何野... 我都收唔到咁多... 佢連我個日去完 disneyland 用過既背囊(放咗係房), 佢都倒晒d 野出黎, 點夠佢玩啫...
Post a Comment