白老鼠實驗失敗

上星期五, 第3次夾, 唔知發生咩事, 有 d 位冇啦啦成日彈到錯晒, 好唔開心, 真係好有錯敗感架...

Over the weekend, 再練一大輪, 今日再夾, 阿仔個阿媽仲搵多兩個 friend 黎, 加多 d 壓力, 結果觀眾既 comments 係我彈得唔夠輕快, 彈唔到首歌 marching 既感覺, 同埋同個 trumpet merge 唔埋, 有種大家各自做自己野既感覺...當然頭同尾都有混亂啦... 終於明白點解人地話真係要 friend 過打 band... 原來人地係 feel 到你地有冇溝通架...

最後, 我由阿媽揀, 最終決定搵幫佢伴奏唱歌個同學彈... 都好既, 我驚到個日, 真係一片混亂, 累到阿仔就唔好啦...

比想像中既 hard feeling 少好多好多, 機乎係零, 都冇咩唔開心, 可能佢地幾個既安慰說話講得好好掛...
佢地話你同 d instrument 夾唔慣, 同自己彈係會唔同架啦... 你同阿仔阿媽彈, 又真係一聽就知差好遠既 (咁冇法啦, 阿仔阿媽 LT 攞 distinction 喎, 一年都唔知得幾多個, 冇得比啦!!!)... 又話阿邊個邊個, 好勁架啦, 都夾慣人架啦, 但係上次乜乜乜, 都出事啦...
再加上早兩日同 piano teacher 傾開電話, 佢話佢十幾年前開始幫d violin students 去考試, 佢都好驚好驚, 好有錯敗感架...

一向都認為, 只有我先會驚餐死, 又成日都出錯... 人地係唔會錯既, 佢地話, 你聽唔到啫, 其實係 choir concert 度, 佢地成日都彈錯唱錯...

好彩佢地話你起碼練返一年半載先啦, 仲叫我繼續練阿仔既考試歌, 同 instrument 夾多 d 先喎...

估唔到比想像中難幾十倍... 乜唔係 d o靚仔o靚妹成日幫自己 d 同學仔彈架咩...
都唔知幾時我先學到一成功力..