10 月 1 日

hehe... 做到眼矇矇﹐等緊放工﹐ 又 update 下個  blog 先。下星期一唔駛返工﹐雖然唔返工冇 $$, 但係有假放﹐都好開心。

Mm... 三日假做 d 咩好呢! 睇怕都係坐係屋企多﹐但係我又好想去行街街喎!

 

話時話﹐又到 10/1﹐諗返起 2000 & 2001, 一到 10/1, 我同 d friends 諗下有邊度去﹐結果個兩年我都係同 David & Edna, 仲有 Tony去咗中山珠海﹐點解兩年都去中山珠海? 咪因為我地漏氣囉! 臨到最後一分鐘先報名﹐咩都俾人報晒啦! 加上又話唔搭火車﹐巴士﹐又唔陽光海灘﹐結果都冇乜選擇。所以兩次都係中山珠海。不過之後我地就開始咗一班人去旅行﹐tourmate 既人數仲越黎越多﹐因為後來大家都一 pair pair (除咗我係 still single 之外,Wilson 就唔知,可能已經有 gf, 也可能係gay)。不過﹐唔知幾時先可以再搞旅行﹐時間都幾難就﹐加上佢地今年同下年都要搞結婚﹐睇怕最快都要下年年尾先搞得成。

 

下星期就係中秋﹐除咗 Pennisula 既月餅﹐不過我都唔鍾意食月餅﹐咩雙黃﹐冰皮通通冇興趣﹐Mm... 聽日去買翻盒都好。Yummy!!!  

 

 

對不起... 我衰手多!

趁 Server down 咗冇野做﹐update 下自己個 blog 先...

 

話說前幾日自己手多多﹐試新 software, 咪就係嗰個 WRITER 囉﹐話可以改 blog 個 Posting Date, 我以為己經 download 咗 blog 返來﹐咁改完﹐ upload 咗咪 delete 囉﹐點知原來會 delete 咗 blog 上面嗰個﹐搞到我有幾個 blog 都唔見咗﹐不知幾心痛... 連有 d 好精彩既 comments 都冇埋﹐不過都要  say thank you to 柴灣肥仔﹐佢都好盡力咁幫我再 post 過佢留既 comments... With Million tons of Thanks!

 

 

 

金百利 vs. 百利 vs. 百利火鍋

 

今晚約咗幾個舊同事食飯﹐呢個飯局﹐大大話話都約咗成幾個星期﹐尋日一位自稱好靚女嘅舊同事 lunch hr 話我知聽日去尖沙咀百利到打邊爐﹐ok! 下午開始 msn conference, 話去太子百利火鍋﹐我都覺得有 d 奇怪﹐點解阿靚女話係 TST, ok fine... 當佢講錯啦! 我問佢﹐"u sure ok?" cos' 佢係北角人﹐去到太子好似好遠... 佢話 no problem... 咁我都 no problem 啦! 反正 on the way home...

 

跟住另外柴灣肥仔已經開始反對﹐但又冇人理佢喎! 就係咁就 confirm 咗太子百利火鍋酒家。

阿鑽石山光頭仔仲好好人咁send 埋個地圖俾我地...

 

今朝北角靚女 msn 我話"乜唔係去尖沙咀咩? shit... 我以為去尖沙咀金百利... "

Hello??  "金百利"係銅鑼灣! 尖沙咀個間係"百利"﹐ 我地會去"百利火鍋"係太子...

No wonder 佢冇反對啦! 原來佢都冇睇清楚人地寫乜﹐ 激死!

 

嘩! 個間百利火鍋﹐好似話出名喎! 但係一 d 都唔覺囉! 仲有 d 恐怖 feel 添!

 

 

 

在家發 mo-ing

今個星期都落雨﹐搞到我連街街都唔想出﹐我已經成四日冇出過美孚啦! 最多都係落過樓下買下午茶...發晒毛....

 

原本諗住星期三學琴﹐星期二去練琴啦! 點知自己衰多手﹐星期一晚"mid" 到隻指甲深得濟﹐好痛﹐結果星期二練唔到琴不突只﹐仲要改埋學琴時間﹐所以變咗成個星期都係屋企。

 

今日個調音師傅終於黎幫我個陳年老琴調音﹐個琴由我六歲開始﹐去移民﹐搬屋﹐再返埋黎﹐我諗佢都散得七七八八﹐講真賣咗佢又真係唔係好捨得﹐話晒都跟咗我咁多年﹐但我又真係好想買過個新嘅﹐因為其實我唔係好鍾意佢﹐佢d聲真係好唔靚。

 

我都好多年冇試過係屋企彈過琴﹐感覺好唔自在﹐雖然佢地冇理我﹐但都好唔舒服﹐唔知點咁﹐又好似噪住佢地﹐我諗我老豆會嫌噪。大佬話唔明咩叫私人空間﹐成日話佢地唔會 disturb 我﹐sigh!!! 呢d咪係私人空間囉! 同埋﹐好心散﹐彈 10 mins 就去咗 msn, check email... 真係攞命。聽日學琴啦! 今個星期都練唔夠數添﹐ 死火!

 

 

Sugar

尋晚跟個 friend 去咗 UCLA 個 alumni reunion, 原來有好多都唔係 UCLA 嘅人去﹐其實都幾9唔搭8﹐不過是但啦! 下次有機會都去下自己間 U 搞個 d 先得﹐話晒 grad 咗成 10 年都未去過。

 

之後就 join 咗個friend 去食飯﹐食完飯就落咗 Sugar, 真係"背"啦! 我都係第一次去 Sugar ﹐好鬼死多人﹐黑麻麻都睇唔到有靚仔靚女﹐咁可想而知著咗燈會係咩景況。講真﹐就算黑麻麻﹐我都見到一堆堆豬扒同牛扒﹐都係喜喜 d 人靚d...

 

不過今次有 d 出事﹐我酒量淺就係人都知﹐我今次飲咗一杯 shooter, +幾啖 Whisky Coke + 幾啖唔知乜﹐初頭都 ok, 突然間想嘔﹐我咪拉我個 friend 同我去 washroom, cos' 我唔知個 washroom 係邊﹐好彩啫﹐ 一路行﹐我開始咩都睇唔到﹐淨係見到d光﹐d 人又得翻個影﹐不過我入到 washroom 又嘔唔出﹐個額頭又標晒冷汗﹐我係個廁所格望住幅牆﹐見到一大個白色嘅光圈﹐中間就黑色嘅﹐十足十玩嗰 d junk mail, 望住個 screen 10幾20秒一點黑色野﹐跟住見到耶穌嗰隻。嚇死我﹐幾驚暈咗唔知點返屋企﹐好彩抖咗陣清醒返啫... 佢地話我似"堆" 咗草多過飲醉酒喎....

 

之後去咗灣仔食日本野﹐仲見到長毛同古巨基添...

PR Work (2)

個 PR Work 今日終於都完咗﹐雖然我都仲未知有冇錢收﹐但個過程都算幾好玩。不過都係個句﹐好熱呀!

 

星期三 (Aug 23) - Harley Davidson x Stripper Model (我冇去!)

 

星期四 (Aug 24) - 水禾田攝影展﹐中途白姐姐行過﹐拉住水禾田影相﹐白姐姐真係好鍾意出鏡架!

 

星期五 (Aug 25) - Hair Show + Magic 表演﹐ 見到官恩娜﹐陳沛嘉同姚書軼。

 

星期六 (Aug 26) - PS2

Sony 俾兩隻 Winning Eleven 我地﹐後來我地去買左隻 Keroro game, 好得意架﹐係個大電視到玩﹐好型﹐d 小朋友都唔知幾鍾意﹐我地初頭幾驚冇人肯玩﹐好彩有 Keroro 咋....

 

星期日 (Aug 27) - 環保

好 Q 低能﹐都唔知邊鬼個諗出黎﹐叫 d 途人摺飛機﹐大佬﹐我成廿幾年都冇摺過飛機﹐真係唔識摺。最白痴係﹐叫人摺飛機飛入個箱到﹐話拎個箱野去recycle 喎﹐但係摺飛機個 d 紙係買返黎既 recycle paper 喎! What's the point 呢??

我仲上左"都市日報" 添!  http://www.metrohk.com.hk/news.php?startDate=28082006&newscat=1&newsid=23251 

 

星期一 (Aug 28) - Live Band (我冇返!)

 

星期二 (Aug 29) - 馬德鐘+詩琪﹔Yoga : 貝安琪+周倩圯+陳齋平﹔Thai Boxing; Whisterling + Another Thai Boxing

好熱呀! 冇機會同馬德鐘影相添﹐可惜! 貝安琪都好靚女... 夜晚個 d 乜乜 boxing 就好悶囉!

 

 

 

PR Work (1)

呢幾日﹐個 friend 介紹咗份 PR 工我試﹐因為我成日都話想轉 Marketing, 咪襯依家冇野做﹐試下 d 我想試嘅野。咁啱間 PR Firm 係 CWB 有 event, 咁我就走咗去唔知係做義工定係 cheap labor...

 

跟咗四日到﹐其實都唔係太多野做﹐都係行行企企﹐睇頭睇尾﹐有時幫手買下野﹐問下 d 人到未﹐但 30+ 度企係條街到幾粒鐘﹐真係好熱...除咗第一日企係條街到唔係好慣之外﹐呢兩三日都 ok... 不過都算幾好玩﹐起碼見下 d 唔同類型嘅人...

 

其中有個 helper 係就黎升 F.5 既學生﹐個日同佢去翠華食 lunch... 好似殺咗佢咁﹐$40 一碗粉都唔捨得﹐+$2 凍飲好似殺咗佢咁﹐我差 d 想話我請架啦! 但係我都唔知有冇錢收﹐冇理由咁豪架... 佢話我知﹐佢一個星期得 $50 零用﹐飯錢另計﹐我都唔記得我 F.5有幾多零用錢﹐好似係 $500 一個月﹐haha... 原來都已經係好耐之前既事啦! 大佬都幾姑寒架﹐錢方面既教育係教我要好慳架﹐儲錢呀! 應駛則駛係佢既口頭禪﹐但可能壓抑得太耐﹐我依家真係好大駛﹐玩親﹐鍾意既野都貴到死... 真係揾人娶我都幾難...

 

其實一路以黎﹐我都唔知自己性格係適合對外定對內﹐自己又唔係好 sociable, sales 又好似唔啱我﹐坐定定係 office 我又真唔想﹐但係如果依家走黎轉行﹐又唔知做得 d 乜﹐人工又係另一個問題﹐如果做返 business analyst, $ wise 就唔駛講﹐compare to 轉行﹐當然好吸引﹐但真係好悶好悶...  好煩...不過我都知﹐好難架啦! 其他都冇 experience, send 份 resume 去﹐連 interview 既機會都唔會有... sigh... 都唔知自己想點...

---

星期六 (Aug 19)﹐ 係有個叫 CK (陳詩琪) 既新人唱歌﹐+ Soler... Afternoon 就係Hip Hop Dance, Evening 就係 Lingerie Show... (今日冇影相)

 

星期日(Aug 20)﹐個 event 係阿虫畫展﹐其中有一幅畫真係好鬼諷刺﹐"快樂是忘掉所有數字"... 真的嗎? Business Analyst 是整天對著一堆堆數字同 data﹐ 離開數字真的會快樂嗎? 我很想啊!!! 

 

星期一(Aug 21)﹐ 係 Body Paint, 畫得好靚呀! 兩個 model 仲好索添... evening 就係玩 inline skating..

 

星期二 (Aug 22)﹐係Rapper + Hip Hop Dance + DJ 摔碟... 我見到部紅色既 Mac Book 呀! 好有型呀! 黑色都好型架!